Almaty qalasy Naýryzbaı aýdanyn damytýǵa qala búdjetinen 61 mıllıard teńge qarjy bólingen. Onyń basym bóligi aýdanda ákimshilik ǵımaratttar keshenin turǵyzýǵa jumsalǵan. Al qalǵany abattandyrý, jaryqtandyrý jáne kógaldandyrýǵa baǵyttalǵan. Aýdanda osy ýaqytqa deıin atqarylǵan jumystar pen aldaǵy josparlar Almaty qalasy «Nur Otan» partıasy fılıalynyń saıası keńes búrosy keńesinde talqylandy.

Qazirgi tańda aýdan halqynyń sany 122 myńnan asady. Turǵyndardy sapaly aýyz sýmen qamtamasyz etý úshin aýqymdy jumystar atqarylýda. Búginde jobalaý mekemeleri Aqsaı jáne Qarǵaly ózenderinde sý toǵandarynyń turǵyzý boıynsha jobasyn ázirleýde.

«Aýdan qurylǵan boıda kezek kúttirmeı sheshimin tabýy tıis másele – kólik joldaryn qalypqa keltirý bolatyn. Osy ýaqytqa deıin 252 kóshege asfált tóseldi. Ótken jyly 1,2 shaqyrymdyq Abaı dańǵyly qurylysynyń birinshi kezeńi júrgizildi. Ekinshi kezeńiniń qurylysyna jer ýchaskelerin nemese basqa da jyljymaıtyn múlikti memleket paıdasyna alý jumysy atqarylýda. Qazir osyǵan baılanysty 87 qaýly shyqty», – dedi Almaty qalasy Naýryzbaı aýdanynyń ákimi Sanjar Toǵaı.

Búginde aýdanda gazdandyrý kórsetkishi 95 paıyzǵa jetken. Qazir tek 363 úı kógildir otynmen qamtylmaǵan. 1 qyrkúıekte aýdandaǵy Aqjar yqshamaýdanynda 1200 oryndyq jańa mektep qoldanysqa berilmek. Oǵan qosa, 320 orynǵa shaqtalǵan balabaqshanyń qurylysy aıaqtalýǵa jaqyn.