Jańa oqý jyly qarsańynda Astana qalasy ákimdiginde elorda ákimi Áset Isekeshevtiń tóraǵalyǵymen qoǵamdyq kóliktiń máselesi búge-shúgesine deıin qaraldy, dep habarlaıdy Astana qalasy ákimdiginiń resmı saıty.
Jıyndy ashqan ákim birden osy jumysqa jetekshilik jasap otyrǵan ákimniń orynbasaryn, transport jáne jol-kólik ınfraqurylymyn damytý basqarmasynyń basshysyn, «Astana LRT» JSHS men astanalyq avtobýs parkterin qatty synǵa alýmen bastady. Ol sondaı-aq áleýmettik jeli men «iKomek» jedel áreket etý ortalyǵy arqyly únemi turǵyndardyń reaksıasyn baqylap otyratynyn da aıta ketti.
«Barlyq daýly máseleni oqý jyly bastalmaı turyp sheshý kerek edi. Jumys istemeı turǵan valıdatorlarǵa bola adamdarǵa avtobýs kúttirip qoıý syltaý emes», - dedi Áset Isekeshev.
Onyń aıtýynsha, qoǵamdyq kóliktiń jumysyn sýbsıdıalaýǵa memleket qajetti qarajat kólemin bólgen. Lınıadaǵy avtobýstardyń shyǵýyn 90-95% paıyz qamtı almaıtyn avtoparkter men astanalyq jolaýshylardyń jaılylyǵy men qaýipsizdik servısin qamtamasyz ete almaǵandardy kelisimsharttan aıyryp, ornyn basqa avtoparkter almastyrady.
Ákim barlyq valıdatorlardyń jumysyn retke keltirýge tapsyrma berdi, olaı bolmaǵan jaǵdaıda marshrýttaǵy transport birlikteriniń sanyn qysqartpastan barlyq jolaýshylardyń tegin júrýin qamtamasyz etýin tapsyrdy.
«Valıdatorlardyń turaqty jumys istep turýyn qamtamasyz ete almaısyzdar ma, onda adamdardy tegin tasymaldańyzdar», - dep málimdedi Isekeshev.
Budan basqa, ákim avtobýs qozǵalysyn baqylap otyratyn GPS-monıtorıngtiń jumys istemeıtinin jáne onyń jolaýshylarǵa aıtarlyqtaı qolaısyzdyq týǵyzatynyn aıtty. Elektrondy tablonyń aıyrmashylyǵy 3-5 mınýttan aspaýy tıis.
Jıyn barysynda kartany toltyrýdyń uzaq ýaqyt alatynyn ıaǵnı 36 saǵat ketetini de sóz boldy.
«Kartany toltyrýǵa ketetin ýaqyt 3 saǵattan artyq bolmaýy tıis, sol úshin is júzinde ony birneshe mınýttyń ishinde bolatyndaı etýi kerek. Júrgizýshiler valıdatordy qaıtadan júktep, tólemdi erterek túsetin etýi qajet» - dep tapsyrdy ákim.
Ol sondaı-aq «Astana LRT» JSHS-ne tamyzdyń aıaǵyna deıin jolaqyny tóleýdiń qosymsha múmkindikterin qarastyrýdy, jolaýshylarǵa QR-kod, smartfon jáne ınternet-bankıng arqyly tóleýge múmkindik berýdi tapsyrdy.
Budan basqa, jıynda ákim qazirgi problemalar týraly jáne onyń sheshý joldary týraly usynystar aıtqan astanalyq avtoparkterdiń basshylaryn da tyńdap shyqty.
Avtopark ókilderi elektrondy tólem júıesin engizý aınalymdy 30% deıin ulǵaıtqanyn jáne bul qarjynyń qyzmet kórsetý sapasyn jaqsartýǵa baǵyttalatynyn, onyń ishinde joǵary bilikti júrgizýshilerdiń sanyn kóbeıtetinin aıtty.
Elektrondy tólem júıesin engizgennen keıin júrgizýshilerdiń jetispeýshilik máselesin, júrgizýshilerdiń qoldaryna alatyn jalaqysyn 300-400 myń teńgege deıin kóterý ádisimen sheshti.
Avtopark basshylary bıletsiz júrýshilerdiń kóbeıgenin baıqap, osyǵan baılanysty astana ákimdigimen birlesip áreket etýdi jáne osy problemany sheshý úshin transport ınspeksıasy men JPQ qosýdy ótindi.
Jıyn qorytyndysy boıynsha ákim barlyq ókiletti organdarǵa aıtylǵan máselelerdiń bárin 1 qyrkúıekke deıin sheship, qala marshrýttarynyń qamtamasyz etý deńgeıin 90-95% paıyzǵa deıin jetkizýdi tapsyrdy, olaı bolmaǵan jaǵdaıda avtoparkterdi kelisimshartynan aıyratynyn eskertti.
