Jaǵdaıy tómen otbasynan shyqqan stýdentterdi qoldaý maqsatynda 180 mıllıon teńge qarjy bólindi.
Bul týraly Almaty qalasy Óńirlik komýnıkasıalar qyzmetiniń alańynda ótken brıfıńte Ál-Farabı atyndaǵy Ulttyq ýnıversıtettiń rektory Mutanov Ǵalymqaıyr Mýtanuly aıtty.
Onyń aıtýynsha, prezıdenttiń qaıyrymdylyqpen aınalysý úndeýine oraı, ýnıversıtettiń qaltaly túlekteri jáne basqa da bizdiń seriktester qatarynan demeýshiler tabylýda. Jyl saıyn jaǵdaıy tómen otbasynan shyqqan talantty stýdentterdi qoldaý maqsatynda ýnıversıtet tarapynan 180 mıllıon teńgege deıin qarjy bólinýde.
Rektor retinde 20 myń qosymsha grantty bólý jáne stýdenttik baspana qurylysy sheshimi kezindegi úlken qýanyshty jáne optımızmdi aıtqym keledi. Ál-Farabı atyndaǵy QazUÝ elimizdegi joǵary oqý oryndary arasynda memlekettik bilim granty sany boıynsha kóshbasshy bolyp, atalmysh bastamany qoldaý maqsatynda halyqaralyq ál-Farabı olımpıadasynyń jeńimpazdaryna arnap óziniń grantyn 3 ese ulǵaıtty.
Prezıdent tarapynan bilimdi qoldaýǵa degen úlken qamqorlyqty bizdiń ýnıversıtettiń damý jolynan ańǵarýǵa bolady. Máselen, sońǵy 5 jylda ál-Farabı atyndaǵy Qazaq ulttyq ýnıversıtetindegi aımaqtyń jalpy aýmaǵy 40%-ǵa ósti. Onyń basym bóligi memlekettik-jeke menshik seriktestik qaǵıdasyndaǵy áleýmettik nysandarǵa bólindi, onyń ishinde magıstranttar men doktoranttarǵa arnalǵan 500 oryndyq jańa jataqhana bar. Mundaı tájirıbe bizge osy jyly memlekettik-jeke menshik seriktestik negizinde jalpy aýmaǵy 31 myń sharshyny quraıtyn 1287 oryndyq stýdenttik jataqhanany salýǵa kirisýimizge jol ashady.
Bıylǵy jyly ál-Farabı atyndaǵy QazUÝ elimizdegi bólingen oqý granttarynyń sany boıynsha absalútti kóshbasshy atandy. Bıyl 6,6 myńnan astam mekteptiń úzdik túlekteri QazUÝ-dy tańdap memlekettik bilim grantyna ıe bolǵan, olardyń edáýir bóligi «Altyn belgi» ıegerleri, halyqaralyq jáne respýblıkalyq olımpıadalardyń jeńimpazdary.
Bul qazaqstandyq joǵary bilim berý tarıhyndaǵy rekordtyq kórsetkish. Sanaly ári úlken maqsatqa toly talapkerdiń sapaly bilim alýy úshin elimizdegi jetekshi oqý ornyn tańdaýy bizdiń ýnıversıtetke degen joǵary senimdi bildiredi.
Memleket basshysynyń qoǵamdyq sanany jáne qoǵamnyń ózge salasyn jańǵyrtýǵa arnalǵan kólemdi baǵdarlamalary is-áreketke jetekshilik tanytady jáne elimizdiń bolashaǵyna yqpal etýdegi bizdiń naqty qadamdarymyzdy anyqtaıdy. Mundaı jahandyq jáne kólemdi tapsyrmalar jańa zaman realynda ózin senimdi sezinetin memleketterde ǵana qoıylady. Álemdik ekonomıkanyń týrbýlenttiligine jáne jahandyq shaqyrtýlardyń kúsheıýine qaramastan tapsyrmalardyń júzege asýy Qazaqstandy álemniń damyǵan 30 eliniń qataryna qosýǵa múmkindik beretindigine senimdimin-dep sózin aıaqtady Ǵ.Mýtanov.
