Almaty qalasy ındýstrıalyq aımaǵynyń ınvestorlary «Protecting Business and Investments»baǵdarlamasynyń qorǵaýynda.
Memlekettik qyzmet isteri jáne sybaılas jemqorlyqqa qarsy Agenttigi, Qazaqstan Respýblıkasynyń ınvestısıalar jáne damý mınıstrligi jáne Qazaqstan Respýblıkasynyń syrtqy ister mınıstrlikteriniń ózara qatynastaryn nyǵaıtý maqsatynda ınvestorlardyń zańdy qyzyǵýshylyqtary men quqyqtaryn, problemalyq suraqtardy sheshý úshin «Protecting Business and Investments» baǵdarlamasy qabyldandy.
Búgingi tańda «Almaty – ındýstrıalyq aımaq» alańynda, Memlekettik qyzmet isteri jáne sybaılas jemqorlyqqa qarsy agenttiginiń Almaty qalasy boıynsha departamentiniń bastamasymen, «Atameken» UKP, «Qazaqınvest» AQ-nyń Almaty qalasy boıynsha fılıaly, Almaty qalasy kásipkerlik jáne ındýstrıaldy-ınnovasıalyq damý basqarmasymen birlese, «Almaty – ındýstrıalyq aımaqta» óz qyzmetin iske asyratyn kásipkerlermen kezdesý ótip, sybaılas jemqorlyqqa qarsy súıemeldeý jobasynyń tusaýkeseri ótti. Indýstrıalyq aımaqta bastapqy saladaǵy jobalar iske asyrylýda: mashına jasaý, taǵam, qurylys, farmasevtıkalyq, hımıalyq, jeńil ónerkásip. Investorlarǵa jer telimderin berý, ınjenerlik jelilerdi qosý jeńildikterimen qosa, iske asyrylyp jatqan jobalarǵa sybaılas jemqorlyqqa qarsy súıemeldeý qyzmeti birge júredi.
«Bizdiń departament pen «Qazaqınvest» AQ-nyń Almaty qalasy boıynsha fılıalymen birlese atqarylyp jatqan jumystar oń nátıjesin berýde. Problemalyq suraqtar týyndaǵan kompanıalardyń máseleleri aǵymdaǵy zańnamaǵa sáıkes oń sheshim tabýda. Sonymen qatar, bıznesti iske asyrý suraqtary týyndaǵan jaǵdaıda, kásipkerler tómendegi baılanys telefondaryna habarlasýlaryńyzǵa bolady: «Qazaqınvest» AQ-nyń front-ofısi 325-88-90, qoǵamdyq baqylaý kartasy 8707-474-14-24, biregeı respýblıkalyq habarlama ortalyǵy 1424» Memlekettik qyzmet isteri jáne sybaılas jemqorlyqqa qarsy agenttiginiń Almaty qalasy boıynsha basshysynyń m.a. G.Danıarov habarlady.
Atalǵan jobany iske asyrý aıasynda oń áser qaldyrýda, bıznes ortasynda da úlken qyzyǵýshylyq tanytýda.
Kezdesý barysynda bıznes ortadaǵy sybaılas jemqorlyqqa modelderiniń is-áreketiniń tusaýkeseri ótti, ınvestısıalyq qyzmettegi ákimshilik kedergilerdi azaıtý jáne olardy sheshý joldary, ınvestorlardy sybaılas jemqorlyqqa qarsy súıemeldeý maqsatynda qurylǵan «Qazaqınvest» AQ-nyń Almaty qalasy boıynsha fılıalyndaǵy front-ofısiniń jumysymen tanysty.
