2018 jyly 22 tamyzda Almaty qalasynyń Qarjy basqarmasynda memlekettik qyzmet salasynda júrgizilip jatqan memlekettik saıasattyń basym baǵyttary jóninde dóńgelek ústel ótkizildi. Atalǵan jıyn Qarjy basqarmasynyń qyzmetkerleri men QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty qalasy boıynsha departamentiniń bas mamany Madıar Albanbekovtyń qatysýymen ótkizildi. M.Albanbekov memlekettik qyzmettiń damý kezeńderine sholý jasap, memlekettik qyzmettiń qazirgi tańdaǵy jaǵdaıy týraly sóz etti. Ol óz sózinde bylaı dep kórsetti: «Qazaqstan Respýblıkasynyń Prezıdenti N.Á. Nazarbaev táýelsizdik alǵan kúnnen bastap halyq pen memleketke qyzmet etýdi bárinen bıik qoıatyn, kásibı memlekettik apparatty qurýǵa basa nazar aýdaryp keledi. Osy jyldar ishinde memlekettik qyzmet júıesinde júrgizilgen reformalardyń nátıjesinde merıtokratıa, tıimdilik pen qoǵamǵa esep berýshilik qaǵıdattaryna negizdelgen memlekettik qyzmettiń biregeı modeli quryldy jáne qazirgi tańda Agenttik tarapynan memlekettik qyzmet júıesin odan ári jetildirý boıynsha, memlekettik qyzmetshilerdiń jaǵdaıyn odan ári jaqsartý boıynsha, olardyń áleýmettik paketin odan ári keńeıtý boıynsha keshendi is-sharalar atqarylýda».

Basqarma qyzmetshileriniń eń qyzyǵýshylyq tanytqan máseleleriniń biri – eńbekaqy tóleýdiń túbegeıli jańa júıesiniń pılottyq jobasy boldy. Atalǵan pılottyq joba boıynsha Basqarma qyzmetshileri ózderiniń suraqtaryn qoıyp, óz suraqtary boıynsha jaýaptaryn aldy.

Jıyn sońynda Basqarma qyzmetshileri ótkizilgen dóńgelek ústel boıynsha ózderiniń rızashylyqtaryn bildirip, memlekettik qyzmetshilerdiń memlekettik qyzmetke degen yntalarynyń joǵarylaýyna septigin tıgizetindigin atap kórsetti.