QR Bas prokýratýrasy «BTA bank» AQ burynǵy basqarma tóraǵasy Erjan Tátishevtiń ólimi boıynsha Muhtar Áblázovqa qatysty sotqa deıingi tergeý jumystary aıaqtaldy. Bul týraly QR Bas prokýratysynyń baspasóz qyzmeti habarlady. 

2018 jyldyń 17 tamyzynda Áblázovtiń isi QR Qylmystyq kodeksi 28-baptyń 3-bólimi jáne 96 baptyń 2-bóliminiń «j, z» pýnktterine sáıkes kvalıfısıalanǵan.

Bas prokýratýra Qylmystyq prosesýaldyq kodekstiń 294-babyna sáıkes kúdikti Áblázov pen onyń qorǵaýshysyna qylmystyq is materıaldarymen tanysa alatynyn abarlady.

Sonymen qatar, Qylmystyq-prosessýaldyq kodekstiń 296-babyna sáıkes, kúdikti tergeý materıaldarymen tanysa otyryp ózi de qosymsha ótinish bere alady ári tergeý áreketterine qatysty sheshim qabyldaı alady.

Qylmystyq ispen tanysý prosesi 2018 jyldyń 5 qyrkúıeginde myna meken jaı boıynsha ótedi: Almaty qalasy, Bógenbaı batyr kóshesi, 145 úı (Bas prokýratýranyń Almatydaǵy ǵımaraty)

Aıta keteıik, Muhtar Áblázovqa «Erjan Tátishevtiń ólimin uıymdastyrdy» degen aıyp taǵylyp otyr. Aıyp rastalsa, Áblázov ómir boıyna bas bostandyǵynan aıyrylýy múmkin.