Almatyda tańnyń atysymen – qoǵamdyq kólikter jumysyn bastaǵan ýaqytta «Ońaı» júıesiniń baqylaýshylary Tımırázev kóshesindegi aıaldamalarda jolaýshylarmen kezdesip, olarǵa jańadan iske qosylǵan BRT jelisiniń erekshelikteri men aıaldamalardyń ornalasý tártipterin túsindirdi. Al, avtobýs júrgizýshileri bolsa alǵash kelgen jolaýshylarǵa qolshatyr, rúkzak jáne fleshka taratyp, tosyn syı jasady.
Jol qurylysshylarynyń aıtýynsha, jaıaý júrginshilerge arnalǵan joldar áli de bolsa jóndeýden ótip jatyr eken. Al, kólikterge arnalǵan jol tolyqtaı aıaqtalyp, paıdalanýǵa berilgen. Qyrkúıek-qazan aılarynda dál osy Tımırázev kóshesiniń boıyna aǵash kóshetteri otyrǵyzylatyn bolady.
Sadır Hamraev, kóliktiń holdıńtiń basshysy:
«Qoǵamdyq kólikterge arnalǵan BRT jelisi – qala úshin óte qajetti joba. Tımırázev kóshesi bolsa eń avtobýsy kóp júretin kóshe, qoǵamdyq kólikterdiń arterıasy dep aıtýǵa bolady. Buryndary bul kósheden avtobýsqa otyrǵan jolaýshylar ýaqytynyń bárin kepteliste turyp joǵaltatyn. Al, qazir joldaǵy ýaqyt 32%-ǵa qysqaryp otyr. Máselen, buryn bir adam Orbıta aıaldamasynan qalanyń ortalyǵyna jetý úshin kemi 45 mınýt ýaqytyn joǵaltatyn. Al, qazir 25-30 mınýtta jetip barady. Endi jolaýshylardyń sany da artady dep úmittenip otyrmyz, óıtkeni árkim qalaǵan jerine ýaqytyly bara alady».
Baýyrjan Kýlıshev, «Green Bus» avtoparkiniń basshysy:
«Kún saıyn bizdiń qyzmetkerler avtobýs júrgizýshilerimen jumys isteıdiń. Olar ár aıaldamada turyp, júrgizýshilerge jańa jelide qalaı qozǵalý kerektigin túsindirip jatyr. BRT jelisi eń aldymen jolaýshylarǵa, sodan keıin avtobýs júrgizýshilerine qolaıly. Alǵashqylary dittegen jerine der kezinde jetse, ekinshileri kesteden keshikpeı, jumys ýaqytyn ýaqytyly aıaqtaıdy. Iá, troleıbýstarmen problemalar boldy, biraq aldaǵy 2-3 kúnde bul problema sheshiledi».
Talgat Hoschanov, Almaty qalalyq jolaýshylar kóligi basqarmasynyń basshysy:
«BRT jelisi qosylǵannan keıin jolaýshylardyń jolda ótkizetin ýaqyty 32 paıyzǵa qysqaratyn bolady. Al, jalpy jolaýshylardyń sany 40 paıyzǵa kóbeıedi dep boljap otyrmyz. Qysqasy, biz jolaýshylardyń kedergisiz qozǵalýyna jaǵdaı jasap otyrmyz.
Sondaı-aq, qyrkúıek aıynan bastap biz bul joldarmen 18 metrlik uzyn avtobýstardy júrgizemiz. Olar syıymdy, kondısıonerleri jáne beınebaqylaý kameralary bar. Bul óz kezeginde keshki ýaqytta keptelistiń azaıýyna septigin tıgizedi.
Joldyń ortasynda ornalasqan aıaldamalardy kórip, shoshymaýlaryńyzdy da suraımyn. Olardyń eki mindeti bar: negizgisi – aıaldamalyq turaq bolsa, ekinshisi jol apatyn azaıtýǵa baǵyttalǵan qural. Jol kólik oqıǵalary munan keıin 50 paıyzǵa deıin tómendeýi tıis.
Jeńil avtokólikterge de qıyndyq týmaıdy. Dese de, Tımırázev kóshesimen júretin avtomobılder azaıady. Buǵan deıin táýligine 55 myń kólik júrip ótse, qazir bul kórsetkish 50 myńǵa azaıady. Jalpy, osy joldyń boıynda barlyǵy 5 myń orynǵa shaqtalǵan kólik turaqtarynyń bar ekenin de aıta ketý kerek».
