Sońǵy kezde qazaq toılarynda "atyń shyqpasa jer órteniń" kerin kórsetip júrgender jıilep ketti. Osynyń aldynda qazaq toılaryndaǵy tánin tyrdaı jalańashtap, strıptız bılep júrgen qyzdardy kórip jaǵamyzdy ustaǵan edik. Bul oqıǵa áleýmettik jeliler men ınternet qoldanýshylardyń narazylyǵyn týdyrǵandyqtan qazaq toılaryndaǵy strıptız shoýlar sál saıabyrsı bastaǵan. Endi mine taǵy qoǵamda rezonans týdyrǵan bir shýly toıdyń vdeosy ınternette tanymaldylyqqa ıe bola bastady.

Bul joly Qaznet tutynýshylaryn dombyra rólin "somdaǵan" qazaq qyzy shýlatty. Asaba jigit sergitý, boı jazdyrý úshin toıǵa kelgen qonaqtar arasynda oıyn oınatamyn dep, ataqty Qurmanǵazy Saǵyrbaıuylynyń "Adaı" kúıin mazaqqa aınaldyrǵan.

Eń soraqysy oryndyqta otyrǵan jigit qonaq qyzdy dombyry retinde paıdalanyp, kúı shertken syńaı tanytqan. Al qyz bolsa, jigittiń tizesine kóldeneńinen jatyp dombyra rólin somdaǵan. Dombyra pernesi áıeldiń kókirek tusyna dál kelse, ishegi men shanaǵy áıeldiń áýretti jerine dóp kelgen. Al ekeýiniń ersi áreketterin syrttaı baqylap turǵan toı qonaqtary arasynda jasy úlken qarıalar men egde tartqan azamattardyń birde-bireýi bul bassyzdyqqa toqtaý aıtýdyń oryna máz-meıram bolyp turǵan.

Osylaısha arzan kúlki, aqylsyz árekettiń artynda qazaqtyń dáýlesker kúıshisi, ataqty Qurmanǵazy Saǵyrbaıulyn qorlaý jatqanyn ańǵarmaı da qalǵan. Qazirdiń ózinde áleýmettik jelilerde "bul bilmestikten týyndaǵan dep aqtaýǵa kelmeıtin óreskel qatelik jáne bul bassyzdyqqa jol bergender zań aldynda jaýapqa tartylýy tıis",- degen pikirler aıtylýda.

Esterińzde bolsa, osyǵan deıin Almatydaǵy geı klýb óziniń jarnamasynda "Qurmanǵazy men Pýshkındi" súıistirip qoıǵany úshin áleýmettik jeli tutynýshylar men qoǵam belsendileri quqyq qorǵaý organyna shaǵymdanyp, nátejıesinde atyshýly klýbtan 34 mıllıon teńge aıyppul óndirilgen bolatyn. Bul birazyna sabaq bolar degenimiz sol-aq eken, endi mine qazaq toıynda arzan kúlki úshin Qurmanǵazy atamyzdyń "Adaı" kúıin áıeldiń áýretine balaǵan. Bul birinshe márte bolyp otyrǵan joq. Sondyqtan tıisti organdar bul bassyzdyqa jol bergenderdi jaýapqa tartýy tıis. Siz ne deısiz?