Merýert Altynbek esimdi aqyn qaryndasymyz "Qamshy" portalyna tyrnaqaldy týyndylaryn jiberip, oqyrmanmen qaýyshtyrýdy surapty. «Óleńge árkimniń-aq bar talasy». Syn men pikir sizderden, qurmetti oqyrman!

Taǵy bir kóktemmen qaýyshtym, Búr jaryp aq úmit. Kóktemnen-kóktemge aýystym, Jazyma zaryǵyp.   Maýsymnyń nóseri jýa almas, Júrektiń sherlerin. Sonda-da kóktemsiz kúzde aǵash Jemisin termedik.   Qaýlaǵan qyrdaǵy qyzǵaldaq Qoparyp kóńildi, Bir sátke sezimge jol berip, Aqylym jeńildi.   Seni izdep qaraımyn taý jaqqa Nelikten keshiktiń? Ǵashyq jan torýdan talǵan-ba, Taǵdyrdyń esigin?   Tántimin kerýen taýlarǵa, Bet alǵan zańǵarǵa. Kógimdi kúzetken bulttarǵa, Aspandy arbaǵan. Súıemin sýyn da nýyn da, Tabıǵat dananyń. Sen-daǵy súıýdi saǵyn da, Kelseńshi syńarym!   Bul kóktem eriksiz ushyrdy Kóńildiń kepterin. Jazyma jetkizer jolymdy ash, Óziń bop ótkelim...  

Men nege súıe almaımyn? Júregim temir emes-qoı. Májnúnniń mahabbatyn qıaldaımyn Biraq, ol jaıly kómeski oı.   Ystyq júrek sýymasa da salqyndap, Erkekke erke sezim dirr etpeıdi. Tabıǵattyń óship qalǵan jadynan, Jandaımyn sýrettegi.   Súıemin! Bireýdi emes, bar Álemdi! Jer-Ǵarysh aralyǵyn! Sezimdi sarqyp ketse bir berendi. Renjıdi Dalam Uly!   Áıel emes! Aldymen, Adam bolǵam! Jaratqan qalaýymen! Sondyqtan, áıeldikten bıik maǵan, Adamdyq adaldyǵym...  

Kóz jasymen monshaq túzip tańy atyp, Júregine jazyp alyp ANA atyn. Terezege telmirýmen bala otyr, Urlatyp-ap balalyqtyń qanatyn.   Erteginiń elite almaı eshbiri, Erte kórip baqytsyzdyq kespirin. Telefonda ǵana olar tabysqan, Botalaǵan janarymen keshqurym.   «Saǵyndym-ǵoı»-deıdi bala býlyǵyp, Kóńiliniń kólshigine ý kirip, Al, anasy eńbek etken qalada, Qulynynyń bolashaǵyn tý qylyp!   Óbektegen atasy men ájesi, Anasyndaı bola-almaıtyn bekershi. Balalardyń aýyrmasa júregi, Odan ózge baqytyńdy ne etesiń?   Merýert Altynbek