Astanadaǵy №1 perınataldyq ortalyqtyń bas dárigeri qyzmetinen ketti. Bul týraly Astana qalasy densaýlyq saqtaý basqarmasy basshysynyń orynbasary Álıa Rústemova elordada ótken brıfıń barysynda aıtty. Bul týraly tengrinews.kz portaly jazdy. 

«Ol tamyzda bolǵan jaǵdaı. Bas dáriger óz erkimen jumystan shyǵý týraly aryz jazdy. Ol shydamady, rasynda qıyn boldy», - dedi Álıa Rústemova.

«Qaza tapqan áıelderge kómek kórsetken medısına qyzmetkerlerine qatań sógis jarıalandy. Akýsher-gınekolog, neontologtar men reanımotologtardy oqytýǵa 100 mıllıon teńge bólindi», - dedi Rústemova Astanada bilikti mamandardyń jetispeıtinin eskere otyryp.

Aıta keteıik, 21 maýsymda №1 perınataldyq ortalyqta bir áıel qaıtys boldy. Sol aıdyń 25-inde ekinshi áıel kóz jumdy. №2shildede taǵy bireýi ajal qushsa, 16 shildede №2 perınataldyq ortalyqqa sábıimdi qolyma alamyn dep kelgen ana baqılyq boldy. Mundaı jaǵdaı 1 qyrkúıekte taǵy qaıtalandy. Dárigerler jańa bosanǵan áıelderdiń jıi qaıtys bolýyn embolıanyń kesirinen dep otyr.