4 qyrkúıekte Qostanaı oblysy Qarabalyq aýylynda «Qazaq handyǵynyń 500 jyldyǵyna» arnaıy salynǵan batyrdyń eskertkishin qulatty. Bul týraly @oralbekov_17 esimdi Instagram qoldanýshysy jazdy.
«Qarasań, júregiń aýrady. Vıdeo Whats app jelisi arqyly tarady. Ornyna senimdi materıaldardan basqa batyrdyń eskertkishin ornatpaq. Aıtýlaryna qaraǵanda, eskertkishti basqa aýyldyq okrýgke ornatpaq. Biraq mende mynadaı suraq týyndaıdy: ol batyr kimge bóget keltirdi? Alǵash bul jobany qolyna alyp, bılikten qarjylaı kómek surap júgirgenderdiń biri meniń atam – Óteshov Asylbek Ǵappazuly bolǵan edi. Ókinishke oraı, ol kisi qazir janymyzda joq. Myna vıdeony kórgende, júregim aýyrdy. Basqa sózim joq», - dep jazylǵan áleýmettik jelide.
Ary qaraı Qarabalyq aýdany ákimdiginiń saıtynan myna mátindi keltiripti:
«2015 jyly Qazaq handyǵynyń 550 jyldyǵyna oraı táýelsizdik úshin kúresken batyrdyń eskertkishi ornatyldy. Qarabalyqta osy kúnge deıin ulttyq beıneni aıqyndap turatyn eskertkishter bolmaǵan. Al qazir Qarabalyqtyń janynan ótken árbir adamǵa kórinerlik eskertkish bar aýylymyzda. Eskertkishti jasaǵan músinshi Ertýǵan Shaımaǵambetov».