Erlan Saǵadıev aldaǵy ýaqytta elimizdiń barlyq óńirinde IT-lıseılerin ashý josparlanyp otyrǵandyǵyn aıtty.
«Sıfrlandyrý, ıaǵnı IT tehnologıalar men roboto-tehnıkany damyty úshin qosymsha bilim berýdiń múmkindikterin paıdalany kerek. Jergilikti atqarýshy organdar robototehnıka, baǵdarlamalaý, 3D-prıntıng klastapyn ashýda. Qazirgi ýaqytta bir jarym myń (1500) mektepte osyndaı synyptar bar. Conymen qatar, aldaǵy ýaqytta elimizdiń barlyq óńirlerinde IT-lıseılerin ashý josparlanýda. Ol úshin biz tıisti normatıvti daıyndap berdik» – dedi ol.
«Sıfplyq Qazaqstan» memlekettik baǵdarlamasyn júzege asyry aıasynda mektepterde jańa IT synyptaryn ashý qarqyny kúsheıtilýde. Bul óz kezeginde oqýshylardyń jańa tehnologıany jetik meńgerýine, qazirgi tańda elimizde tapshy IT mamandardyń sanynyń artýyna ákeledi.
Jańa oqý jylynda mekteptiń bastaýysh synyp oqýshylaryna ınformatıka páni oqytylýda.
«Bıyl «Informatıka» páni 3-shi synyptan bastalady. «Sıfplyq Qazaqstan» baǵdarlamasynyń aıasynda ınformatıka sabaǵy kelesi jyldan 1-2-shi klastarda engiziledi. Olardyń baǵdarlamalary daıyndalýda» – deıdi mınıstr.
Onyń málimdeýinshe, sıfrlyq bilim berý resýrstary belsendi qoldanylyp keledi.
«Ár pán boıynsha resýrstar mektepterge 100% jetkizildi, eńdi muǵalimder ony tıimdi paıdalana bilýi qajet. Mınıstrlik usynysymen jańa oqý jylynan bastap ár balaǵa jeke logın beriledi. Endi sıfrlyq resýrstar úıde de, mektepte de bárine tegin qoljetimdi bolady» – deıdi Erlan Saǵadıev.
Sonymen qatar, mınıstr elektrondy qujattardy keń jolaqty ınterneti joq mektepterde ǵana qaǵaz túrinde toltyrýǵa ruqsat beriletindigin aıtty. Bul degenimiz muǵalimder qaǵazbastylyqtan arylyp, bilim alýshylardyń úlgerimi men berilgen taqyrypty túsindirýge kóp kóńil bólýge septigin tıgizedi.
Sondaı-aq, IT-synyptarda arnaıy biliktiligin arttyrý kýrstarynan ótken mamandar bilim beredi.
Aıta ketelik, elimizdiń Shyǵys óńirinde jazǵy demalys kezinde orta mekteptiń ınformatıka páni muǵalimderi robototehnıka jáne IT-tehnologıalarymen zamanaýı kabınetterinde jumys jasaý boıynsha biliktilik arttyrý kýrstarynan ótti.
Kýrs 5 apta boıyna ótkizildi. Ondaǵy 3 apta usynylǵan baǵdarlamanyń teorıasyn oqýǵa, al qalǵan 2 apta uctazdardyń alǵan bilimderi men daǵdylaryn óz betterimen tájirıbe negizinde kórsetýine arnalyp ótkizildi. Búgingi tańda Semeı qalasynda mundaı biliktiligin arttyrý kýrsynan ótken ınformatıka páni muǵalimderi sany 100-ge jýyq.
