Alǵashqy partıalyq uıym jumysynyń belsendiligin arttyrý úshin «Nur Otan» partıanyń ár múshesi úshin áleýmettik jáne kásibı beınesin qurastyrýǵa múmkindik beretin derekterdiń keńeıtilgen bazasyn qurastyrady. Bul partıalyqtarǵa nurotandyqtardyń jumysy men saılanatyn laýazymǵa kótermeleıtin partıalyq kadrlyq rezervtiń sapaly quramyn jaqsartýǵa múmkindik beredi. 
Bul týraly búgin Pavlodarda ótken Alǵashqy partıalyq uıymdardyń birinshi aımaqtyq forýmynda «Nur Otan» partıasynyń Hatshysy Tamara Dúısenova habarlady. 
Pavlodarda «Nur Otan» partıasyn jetildirý aıasynda alǵash ret partıa Hatshysy Tamara Dúısenovanyń jáne «Nur Otan» partıasy Pavlodar oblystyq fılıalynyń tóraǵasy, oblys ákimi Bolat Baqaýovtyń qatysýymen APU aımaqtyq forýmy ótkizilip otyr. 
Forýmǵa alǵashqy iri partıalyq uıym men Aqmola, Shyǵys Qazaqstan, Soltústik Qazaqstan jáne Pavlodar oblysynyń aımaqtyq fılıaldarynyń jetekshilerin qosqanda, bas-aıaǵy 250-den astam adam shaqyrylypty. Eki kúndik jıynnyń negizgi maqsaty – APU belsendirý tujyrymdamasynyń jobasyn talqylaý.
- Biz tujyrymdama jobasyn ázirledik jáne ony partıa qyzmetin jetildirý boıynsha mindetter turǵysynan qarastyryp otyrmyz: «alǵashqylar» retinde jalpyulttyq kún tártibin jasaýǵa, Elbasynyń tapsyrmalary men jańa maqsattary týraly halyqty aqparattandyrý úshin qandaı tehnologıalardy qoldaný qajet, jastarmen qalaı jumys júrgizý kerek, aımaqtardaǵy áleýmettik problemalardy monıtorıńileý men olardy sheshý úshin saıası jáne strategıalyq áleýet qandaı bolýy tıis, partıa músheleriniń sapalyq quramy qandaı bolýy tıis degen máseleler qarastyrylady. Aımaqtyq forýmnyń nátıjesi boıynsha onyń qatysýshylarynyń usynystary Astanadaǵy APU respýblıkalyq forýmyna usynylatyn bolady», - dep aǵynan jaryldy Tamara Dúısenova is-sharanyń ashylýynda. 
Forým aıasynda partıalyq sonymen qatar, «alǵashqylardyń» qyzmetin baǵalaý, yntalandyrý men jandandyrý júıesin engizýdi, partıalyq oqytý, adamı resýrstardy basqarý máselelerin, partıalyq kadrlyq rezervti qalyptastyrýdy, sondaı-aq, ıdeologıalyq jobalardy, halyqtyń sıfrlyq saýattylyǵyn arttyrý, SHOB damytý, úshtildilikke aýysý boıynsha jańa 22 partıalyq jobalardy iske asyrý boıynsha jumystyń túrleri men ádisterin talqylady. 
Odan soń forým qatysýshylary partıanyń búkil qyzmetin sıfrlandyrýǵa, qaǵaz qujataınalymyn qysqartý men onyń músheleriniń biryńǵaı bazasyn qurýǵa baǵyttalǵan «Sıfrlyq partıa» jobasymen tanysty. Odan basqa, aımaqtyq forým qatysýshylary úshin «Sheshendik sheberlik», «Saıası komýnıkasıalar» jáne t.b. trenıńter ótkizildi.