Reseı basshysy Vladımır Pýtın Iran jáne Túrkıa basshylarymen kelissózder ótkizip jatqanda Tegeranda oqys oqıǵa boldy. Jabyq kelissózderdiń kún tártibi belgili bolyp qaldy.
«Biz baspasóz máslıhaty ótetin zalǵa kirip bara jatqanymyzda jańa qulaqqap aldym. Al onda otyrystyń jabyq bóliginiń translásıasy júrip jatyr eken. Onyń ústine orys tiline aýdarylǵan», - delingen «Kommersan» jarıalaǵan aqparatta.
Buǵan qosa uıymdastyrýshylar úsh basshynyń sóılegen sózin tikeleı efırden kórsetken. Sol ýaqytta Pýtın men Erdoǵannyń áńgimesi barysynda mıkrofonnyń daýsy qosýly turdy.
Aıta keteıik, Vladımır Pýtın resmı saparmen Tegeranǵa barǵan edi. Onda Reseı-Iran, Túrkıa arasynda úsh jaqty samıt ótti. Maqsaty – Sırıadaǵy jaǵdaıdy retteý. Pýtınniń málimdeýinshe, Sırıadaǵy zańsyz qarýlanǵan top búlik shyǵarýdy oılastyryp júr.
