«Nur Otan» - bastaýysh partıa uıymdarynyń jumysyn jandandyrý maqsatynda jańa tujyrymdama jobasyn ázirledi. Jańashyldyqqa sáıkes bastaýysh uıym músheleri qoǵamdyq ómirge, partıa jumysyna belsendi qatysyp, óziniń tyń ıdeıalaryn usyný arqyly partıalyq kadrlyq rezervine enip, "saıası laýazymdyq"baspaldaq boıynsha kóterilýine múmkindik bar. Bul týraly "Nur Otan"partıasy Tóraǵasynyń Birinshi orynbasary Máýlen Áshimbaev "Atyraý munaı óńdeý zaýyty"BPU múshelerimen kezdesý barysynda málimdedi.

Búginde munaı óńdeý zaýytynda 1 800-den astam jumysshy bolsa, sonyń 1 200-ge jýyq qyzmetkeri "Nur Otan"partıasynyń múshesi. Munda jumys isteıtin jastar partıanyń kadrlyq rezervine kirip, jumystan bólek, qoǵamdyq jumystarǵa belsene aralasyp, BPU-nyń jandandyrý aıasynda berilgen múmkindikti paıdalanyp, qyzmettik baspaldaq boıynsha ósýdi kózdeıdi.

- Zaýyttaǵy jumysymmen qatar, partıa múshesi retinde qoǵamdyq ómirge belsendi aralasamyn. Óńirimizdiń ómiri jaıly únemi habardarmyn. Turǵyndardy tolǵandyrǵan máselelerdi sheshýge atsalysyp, keıbir máseleler boıynsha óz usynystarymdy berip, qalalyq partıa fılıaly tarapynan talaı ret qoldaý taptym. Endi BPU-nyń jumysyn jandandyrý aıasynda partıa belsendi músheleriniń qyzmet boıynsha ósýine múmkindik berýde, bul jastar úshin úlken yntalandyrý, - deıdi Atyraý munaı óńdeý zaýytynyń operatory Ǵalym Saǵıdolla.

Máýlen Áshimbaev munaıshylar kezdesý barysynda 2018 jylǵy 1 shildedegi jaǵdaıda boıynsha respýblıkamyzda 1 mln.-nan astam partıa múshelerin biriktiretin 6 myńǵa jýyq bastaýysh partıa uıymdary jumys isteıtinin aıtty. Búgingi kúni «Nur Otan» partıasy bastaýysh partıa uıymdarynyń qyzmetin jandandyrý tujyrymdamasynyń jobasy ázirlenip, ony jan-jaqty talqylaý bastalyp ketken. Shymkent, Qaraǵandy, Pavlodar qalalarynda 800-ge jýyq partıa múshesiniń basyn qosqan «Bastaýysh partıa uıymdarynyń» forýmdary ótti. Alqaly jıyndarda jańa daıarlanǵan tujyrymdama jobasyna baılanysty aıtylǵan pikirler, usynystardyń barlyǵy iriktelip, jyl sońynda Astanada ótetin bastaýysh partıa uıymdarynyń respýblıkalyq forýmynda jarıalanatyn bolady.

- Partıanyń irge tasy, basty kúshi ol bastaýysh partıa uıymdary. Qazaqstandy úshinshi jańǵyrtý aıasynda Elbasynyń bastamasymen qolǵa alǵan baǵdarlamalyq qujattardyń, partıalyq jobalardy júzege asyrý jolynda bastaýysh uıymdarynyń róli erekshe. Qazirgi kúni partıa qolǵa alǵan: İT-synyptar men İT-ortalyqtaryn ashý, kitaphanalardy, mektep asqanalary men sport alańdaryn jańǵyrtý boıynsha jobalardy halyq arasynda nasıhattaý, túsindirý jumysyna belsendi qatysýlaryńyzdy kútemiz, - dedi Máýlen Áshimbaev.

Sondaı-aq, Prezıdenttiń bes áleýmettik bastamasynyń jáne jańa partıalyq jobalardyń júzege asyrylý barysyn baqylaý úshin Atyraý óńirine arnaıy kelgen "Nur Otan"partıasy Tóraǵasynyń Birinshi orynbasary jańadan boı kótergen jataqxanany aralady.

Elbasynyń bes áleýmettik bastamasy aıasynda salynǵan ǵımarat bıyl qoldanysqa berilip, júzden astam stýdentke baspana bolýda.

- Jataqhanada stýdentterdiń alańsyz turyp jáne oqýy úshin barlyq jaǵdaı jasalǵan. Stýdenttermen, jas ustazdarmen áńgimelestik, olar jańadan boı kótergen stýdentter úıine qoljetkizgenine qýanyshty. Al, bul Prezıdent baǵdarlamasynyń júıeli júzege asyp jatqanynyń kórsetkishi. Bes áleýmettik bastama naqty xalyqtyń áleýqatyn kóterip, ózgede áleýmettik máselelerdiń sheshim tabýyna septigin tıgizýde. Bul baǵdarlama turǵyndar tarapynan úlken qoldaýǵa ıe, - dedi Máýlen Áshimbaev.

Elbasynyń bes áleýmettik bastamasynyń taǵy biri – shaǵyn nesıe berýdi kóbeıtý. Osy bastamanyń oblysta qalaı júzege asyrylyp jatqanyn qadaǵalaý úshin Máýlen Áshimbaev «Caspiy Lana Atyrau» JSHS-i alańynda ornalasqan «Bastaý Bıznes» baǵdarlamasyn oqytatyn ortalyqta boldy. Kásipkerlermen kezdesý barysynda «Nur Otan» partıasy Tóraǵasynyń Birinshi orynbasary bastamasynyń mańyzdylyǵyna nazar aýdaryp, shaǵyn jáne orta bıznesti qoldaýǵa baǵyttalǵan partıalyq jobalar týraly aıtyp, partıa kásipkerlerdi qoldaý, qorǵaý boıynsha jumystardy jalǵastyratynyn jetkizdi.

Sondaı-aq, Máýlen Áshimbaev partıa bastamasymen júzege asyp jatqan «Úzdik áleýmettik joba» baıqaýynyń aımaqtyq jeńimpazy, oblystyq ońaltý ortalyǵynda ornalasqan «Múgedek álemi» qoǵamdyq birlestiginiń jumysymen tanysty. Qoǵamdyq birlestik belsendilerimen kezdesý barysynda partıa Tóraǵasynyń Birinshi orynbasary partıa qyzmetin jańǵyrtý aıasynda múmkindigi shekteýli jandardyń ómir súrý sapasyn jaqsartýǵa baǵyttalǵan «Kedergisiz keleshek» partıalyq jobasyn odan ári jandandyryp, tıimdiligin arttyrýdy qolǵa alǵanyn atap ótti.

- Bul jobany júzege asyrý barysynda biz naqty tórt basymdyqty anyqtadyq. Birinshiden, múmkindigi shekteýli jandarǵa arnalǵan kedergisiz orta qalyptastyrý. Ekinshiden, olardyń ınklúzıvti bilim alýlaryna yqpal etý. Úshinshiden, jumysqa ornalasýlaryna qoldaý kórsetý. Tórtinshiden, osy salaǵa qatysty zańnamalardy odan ári jetildirý. Osylaısha partıa qur statısıka úshin emes, múmkindigi shekteýli jandarǵa naqty kómek kórsetýdi kózdep otyr, – dedi Máýlen Áshimbaev.

Sonymen qatar, Máýlen Áshimbaev aımaqtaǵy partıa aktıvimen kezdesti. Keleli kezdesýde Prezıdenttiń bes áleýmettik bastamasynyń jáne jańa partıalyq jobalardyń júzege asyrylý barysyna baqylaý júrgizip, atqarylǵan jumys barysy talqylandy.