Búgin ál-Farabı atyndaǵy QazUÝ alańynda QR Memlekettik qyzmet isteri jáne sybaılas jemqorlyqqa qarsy is-qımyl agenttigi daıyndaǵan elimizdiń joǵary oqý oryndary men QR Bilim jáne ǵylym mınıstrligine arnalǵan sybaılas jemqorlyqqa qarsy usynystary talqylandy dep habarlaıdy Qamshy.kz aqparat agenttigi «Sanaly Urpaq» jobalyq keńsesiniń baspasóz qyzmetine silteme jasaı otyryp.
Jobany talqylaýǵa Almaty qalasynyń 14 iri memlekettik jáne jeke joǵary oqý oryndarynyń basshylyǵy qatysty.
«Sanaly Urpaq» jobalyq keńsesiniń jetekshisi Qaıyrjan Tokýshev: «Agenttik bizdiń qoǵam ómiriniń barlyq salalarynda, onyń ishinde joǵary oqý oryndarynda, sybaılas jemqorlyq táýekelderin joıý boıynsha maqsatty túrde jumys júrgizip jatqanyn jáne taldaý qorytyndysy boıynsha tıisti usynystardy engizetinin» - atap ótti.
Keńeske qatysýshylar sybaılas jemqorlyqqa qarsy ázirlengen usynymdardyń árbir tarmaǵyn belsendi jáne naqty talqylap, jalpy usynymdar jobasyn qoldap, jekeleme usynystar engizdi.
Qorytyndylaı kele, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Almaty qalasy boıynsha departamenttiniń basshysy Danıar Taýmurat barlyq usynystar men eskertpeler sybaılas jemqorlyq táýekelderin joıý jáne bolashaq mamandardy daıarlaý sapasyn arttyrý úshin joǵary oqý oryndarynyń qyzmetinde ashyqtyq ornatýǵa baǵyttalǵan usynystardy qabyldaý kezinde eskeriletindigin aıtty.
