Dúnıejúzilik kóshpendiler oıynynda qazaqstandyq kókparshylar Ózbekstanǵa ese jiberdi dep jazady Qamshy.kz aqparat agenttigi. Osyǵan qatysty áleýmettik jelide daýly vıdeo jarıalandy. Atalmysh vıdeoda qyrǵyz jigiti qazaq kókparshylaryn jerden alyp, jerge salyp ursyp tur. 

Onyń aıtýynsha, qazaq jigitteriniń ómiri kókpar oınamaǵan ózbekterden jeńilýi masqaralyq eken. 

"Byltyr, senderdiń elderińe barǵanda jaqsylap oınadyq. Ózderiń aıtqan barlyq erejelerińe kelisip, oınaǵanbyz. Byltyr Astanaǵa men de barǵanmyn. Sol kezde qalaı bolǵan edi? Barlyǵyna shydap, oınadyq qoı. Endi nege sender sol biz sekildi oınamaısyńdar? Eı, Meıirjan, oınamaısyńdar ma? Namys degen bar ma ózi senderde? Bul sport qoı. Nege saıasatty sportqa aralastyryp otyrsyńdar? "Kók bóriden" nege sonshama qorqasyńdar? Bul sport qoı. Jigit sekildi oınap ketpeısińder me, elderińe? Ózbekstan ómiri kókpar oınamaǵan.  Qalaı utylyp elderińe barasyńdar? Qaı betterińmen barasyńdar? Men degen qazaqtyń namysty jigitteri kelip, bireýdiń astyna jatyp bergenderiń, masqara boldy ǵoı", - deıdi qyrǵyz jigiti. 

Vıdeoda qazaq jigitteriniń biri "Biz qolymyzdan kelgenin jasadyq. Sizder duǵa qylyńyzdar", dep jaýap qaıyrdy. 

Qyzý talqyǵa túsken vıdeodaǵy qyrǵyz jigitiniń QR "Kók bóri" federasıasynyń burynǵy ókili Talas Begalıev bolýy múmkin. 

Osy máselege baılanysty Qamshy.kz aqparat agenttigi Ulttyq sport túrleriniń qaýymdastyǵynyń prezıdenti Bekbolat Tileýhanǵa men qaýamdastyqtyń qyzmetkerlerine habarlasqan bolatyn. Alaıda qońyraýymyzǵa jaýap bermedi.