2018 jyldyń 8 qyrkúıeginde Qurlyq áskerleriniń Áskerı ınstıtýtynyń 1 kýrs kýrsanttary áskerı ant qabyldady.

Ásker qatarynda qyzmet etip, Otan aldyndaǵy paryzdy óteýge árbir azamat mindetti. Sebebi, týǵan jerdi, eldi, atamekendi qorǵaý – qasıetti borysh. Al eldiń qaýipsizdigi men aýmaqtyq tutastyǵyn qorǵaý úshin áskerge kelgen árbir azamattyń ómirindegi eń mańyzdy qadamdarynyń  biri – áskerı ant qabyldaý.

Búgin Qurlyq áskerleriniń Áskerı ınstıtýtytynyń 1 kýrs kýrsanttary  Otanyna, Prezıdentine, halqyna sert berdi.  

Ant qabyldaý - Otanyna, eline, týǵan jerine aqtyq demiń shyqqansha adal bolý, el basyna syn saǵat tússe - moıymaı kóterý, qajet bolsa, jan qıý degen sóz.

Instıtýt bastyǵy general-leıtenant Kýrban Qarajanov kýrsanttarǵa óz quttyqtaý sózinde: - Áskerı ant – adaldyq rýhy. Halqymyz «Anttan attaǵany – ardan attaǵany», - deıdi. Iaǵnı, adamzat normalarynyń qalyptasqan shegi ar bolsa, ony buzý opasyzdyqqa jatady. Talaı ǵasyr halqynyń erkindigin syrtqy jaýlardan qorǵaǵan syndy batyr babalarymyzdyń, keshegi fashızmniń otyn óshirgen maıdanger, áskerı qolbasshy Baýyrjan Momyshuly atalarymyzdyń amanattaǵan Otanymyzdyń táýelsizdigin qyraǵy kúzetý – eń uly qyzmet. Sondyqtan da búgingi bergen anttaryńa árdaıym adal bolyńdar! –dep atap ketti.