Túrkistan oblysy Shardara aýdanyndaǵy aýyldardyń birinde fermashylardyń arasynda bolǵan túsinispeýshiliktiń sońy atysqa deıin apardy. Bul týraly oblystyq İİD habarlady.

2018 jyly 7 qyrkúıekte Shardara aýdandyq İİB-ne aýyldardyń birinde atys tóbeles boldy degen habar kelip tústi.

«Oqıǵa ornyna jetken polıseıler tutynýshylaryn bólise almaǵandary úshin sózge kelip, sońy atysqa deıin ulasqanyn anyqtady. Nátıjesinde bir adam qaıtys boldy. Al ekeýi túrli jaraqattarmen aýrýhanaǵa túsedi. Atalmysh fakt QR QK «Adam ólimi» baby boıynsha sotqa deıingi tergeýdiń biryńǵaı reestrine tirkeldi», - delingen vedomstvoda.

Jedel-izdestirý qyzmeti Túrkistan oblysynyń eki turǵynyn ustady. Biriniń qolynda ań aýlaýǵa arnalǵan qarý bolǵan. Adam ólimi boıynsha tergeý jumystary bastaldy.