Astanada ótken brıfıń barysynda Ulttyq sport túrleri qaýymdastyǵynyń Prezıdenti Bekbolat Tileýhan osylaı dep málimdedi, dep habarlaıdy Qamshy.kz aqparat agenttigi Baq.kz aqparat agenttiginiń deregin negizge alyp.
«Myna adam seniń ornyńa qyzmet atqarady dese, qazir bosatyp berýge daıynmyn. Mine, halyqtyń aldynda otyrmyn ǵoı. Osy jańalyqtardy 18 mln adam kóredi ǵoı, qazir berýge daıynmyn. Men ózime tıesili dúnıeni oryndadym dep oılaımyn» - deıdi Bekbolat Tileýhan.
Sonymen qatar ol, ulttyq sporttyń aınalasynda júrgen jigitterdiń kóbi ózine deıin osy salanyń qazanynda qaınaǵan azamattar ekenin aıtty.
«Sondyqtan bul jerde men ataq úshin, bolmasa basqa úshin otyrǵan joqpyn. Kez kelgen ýaqytta, ornyńa basqa adam otyrady dep, alyp tastasa da renjimeımin. Biraq, kókpar degenniń ne ekenin, aýdaryspaq degenniń ne ekenin, jalpy ulttyq sport degenniń ne ekenin túsinbeıtin bireýlerdiń aıaq astynan ulttyq sporttyń janashyry bola qalǵany tańqaldyrady» - deıdi ol.
