8-qyrkúıekte «Astana» alańynda Almaty qalasynyń eń mádenı is-sharasy - «KITAP FEST 2018» Halyqaralyq Kitap Festıvali ótkizildi dep jazady Qamshy.kz aqparat agenttigi. Uıymdastyrýshylary - Almaty qalasy Ákimdiginiń qoldaýymen «BAURZHAN Foundation» qory.
Bul jyly «KITAP FEST» 5-shi ret ótkizilip otyr. Jyldan-jylǵa aýqymy keńeıip kele jatqan Festıvál otandyq jazýshylar men oqyrmandardyń, blogerlerdiń, qoǵam qaıratkerleriniń basyn qosyp, qalamyzdyń mádenı-aǵartýshylyq is-sharasyna aınaldy.
Festıvál qalaı ótti?
Kópshiliktiń nazaryna I BOOK YOU uıymdastyrǵan Kitap almasý tústi. Kitap almasý arqyly olar ózeriniń kitap tizimin jańarta aldy. Bunda kitap janrlarynyń túr-túri boldy. Jalpy kitap almasýǵa 5000-ǵa jýyq kitap tústi.
Jazýshylar shatyry. Kúni boıy bul shatyrda otandyq jazýshylar ózderiniń 2017-2018 jyldary jaryq kórgen kitaptarymen tanystyrdy. Olardyn arasynda Oleg Chervınskıı «Chernaıa krov Kazahstana», Hakım Býlıbekov «Kıpchak s Antarktıdy» , Jan Amany, Natalá Mahno «Tochka bıfýrkasıı» , Almaz Sharman «Prıorıtety» jáne t.b. boldy.
Blogerler shatyry. Festıválda qatysýshylar tanymal qoǵam qaıratkerlerimen, jýrnalısermen, blogerlermen tanysý múmkindigine ıe boldy. Al olar óz kezeginde kitapqa qatysty kóptegen qyzyq áńgime qozǵady.
Shaqyrylǵan qonaqtardan Aısana Ashım, Marına Sharıpova, Aına Dosmahambetqyzy, Aıdos Sarym, Dıana Snegına jáne t.b. boldy.
- Kitap jármeńkesi. Bıyl Festıválda 28 Kitap dúkenderi men baspalar óz taýarlaryn kórmege qoıdy.
Sondaı-aq «Arýna» baspa úıi balalarǵa ádeıi arnalǵan «Kitaptar qalaı paıda bolady» degen taqyrypqa oıyn-saýyq baǵdarlamasyn uıymdastyryldy.
Osy jyly Kitaptar festıvalinda alǵash ret ádebıet salasynda jazýshylarǵa arnalǵan «Kitap Fest» syılyǵy uıymastyryldy. Jeńimpaz bolyp Baıan Alagýzova jarıalandy. Ol óziniń kelesi kitabyn «Meloman» arqyly tegin basyp shyǵarý múmkindigine ıe boldy.
Áleýmettik jobalardy júzege asyrýmen aınalysatyn «BAURZHAN Foundation» qorynyń «KITAP FEST 2018» Festıvalin uıymdastyrý arqyly alǵa qoıǵan maqsaty – adamdar arasynda kitap oqý mádenıetin damytyp, otandyq jazýshylar men oqyrmandardyń basyn qosý.
