Ýkraınanyń shyǵysyndaǵy janjaldarǵa qatysty Ýkraın aqyn qyzy óziniń óleńin ınternetke jarıalaǵan bolatyn. Bul ınternet tutynýshylar arasynda keń tanymaldylyqqa ıe bolyp, qoǵamda qyzý pikir-talas týǵyzǵan edi. Endi atalmysh beıne-rolıkke qatysty ulty orys, qazaqstandyq aqyn jigit jaýap qaıtarypty.

Orys tilindegi óleńniń mátinin qazaqshaǵa sózbe-sóz aýdaryp, nazarldaryńyzǵa usynyp otyrmyz.

Aıtshy qaryndasym.

Biz qanshama jyl bir týdyń astynda boldyq?

Qansha jyl boıy men seni baýyrym dep keldim?

Bizdiń atalarymyz da maıdanda ıyq tiresip,

ortaq  fashısterge qarsy soǵysty emes pe?!

Olar eshqashan Batysqa bas ımedi.

Qolytǵyna enip, pana suramady.

Óıtkeni Batys bizge qalaı ómir súrý kerektigin úıretken joq.

Burynǵydaı bolsa ǵoı, men saǵan qonaqqa keler edim.

Sosyn ekeýmiz tańǵa deıin sharap (araq) ishýshi edik.

Biraq, sen meni qańǵybas, alqash dep aıttyń.

Okýppant dediń, aqymaq jáne jaýym dediń.

Sen kári Eýropaǵa tamyr jibergiń keldi.

Al men úshin TMD bul jumaq.

Ómir qıyn, bilem.

Sen durys tańdaý jasa, qatelespe!

Sen keshe demokratıa jaýyzdyqty jeńedi dep,

artynan shirigen baıdy taqqa otyrǵyzdyń.

Bılikti jemqor dep dattap,

halyqtyń aqshasyn qaltaǵa basatyndardy sóktiń.

Iá, ondaılar bizde de kóp, ony moıyndaımyn.

Biraq, arasynda jaqsylary da bar emes pe?

Eger basshy ádil, ıdeologıaǵa berik bolsa,

halyqqa týǵan otbasy sekildi qaraıtyn edi.

Sen sony synadyń.

Sen, birinshi óziń durys jumys iste.

Sodan keıin, basqaǵa syn aıt.

Jurttyń bári qymbat kólik pen záýlim úılerde turǵysy keledi.

Sen birinshi jáı páter salyp al, kásibińdi basta.

Sonda sen de baı bolasyń.

Al, sen bolsań aýyzben otyryp ap, oraq orasyń kep.

Tósekte  bári batyr.

Men júzimdi jasyryp otyrǵan joqpyn.

Qoyrpaımyn, óıtkeni.

Eger sen de bılikke bara qalsań solardyń kebin kıip,

aıamaı jeıtin ediń ǵoı.

Bári sen úshin kináli eken.

Vova aǵaı da, Qadyrov jáne Donbass.

Ol  jerde kavkaz jigitteri  Donesk turǵyndaryna,

ıaǵnı,  senderge tolassyz oq jaýdyrýda deısiń.

Aıtshy, sen de qolyńa "balalaıka"  ustap kelgen joqsyń ǵoı.

Saǵan  qorqynyshty ma? Ótirik aıtpa.

Ondaǵylardyń bárine de qorqynyshty.

Ol jerde orystar emes,  amerıkostar ylań salýda.

Baýyrym jónińe ket.

Eýropa seni qushaq ashyp kútip otyrǵan shyǵar.

Tek, esińde saqta, NATO senderge opa ápermeıdi.

Reseıden gaz da, munaı da kelmeıdi endi.

Logıkaǵa salyp qarashy. Eýropadan ne paıda saǵan?

Onda senderdi eshkim kútip otyrǵan joq.

Ýkraın, qazaq jáne sheshen,

sondaı-aq, orys, qyrǵyz jáne armenın,

 moldovan tájik jáne nemis.

Bizde,  Qazaqstanda bári tatý.

Munda tipti,  túrik pen kúrd te tatý.

Bizde ulttar kóp munda.

Biz tyǵyryqtan birge shyǵamyz.

Biraq, sender sekildi Eýropaǵa jalynbaımyz.

Reseıde de osyndaı.

Sendeıler, mendeıler kóp onda da.

Sovet odaǵy kezinde biz baýyr edik.

Endi sen maǵan jaýsyń.

Neni kókip, ne opa tappaqsyń.

Bári sandyraq, sandyraq.

Endi bir-birimizge qarsy qarý alamyz ba?

Men shynymen túsinbeımin.

Endi kimdermen soǵyspaqpyz?

Men ýkraınge qarsy oq atqym kelmeıdi.

Maǵanda ol oq atpasa eken dep tileımin.

Bizge ortaq armıa qurý kerek.

Ol qorqynyshty soǵystarda qorǵaný úshin kerek bizge.

Al sen ınternettiń betinde  "biz baýyr emespiz" dediń.

Sen aldymen ósip al qaryndasym.

Sen men úshin áli qaryndassyń.

Áli talaı bylyqtar bolady.

Qıynshylyqtar kútip tur alda,

biraq, soǵan tóze bilý kerek.

Sebebi,Biz bir januıa bolǵan soń.

Aýdarǵan Nurgeldi Ábdiǵanıuly