Almatyda psıhıatrıalyq aýrýhanadan qashyp ketken 3 jasóspirim izdestirilýde. Olar osydan eki kún buryn aýrýhananyń qorshaýynan sekirip izderin sýytqan, - dep habarlaıdy Qamshy.kz aqparat agenttigi KTK arnasynyń deregin negizge alyp.

Keshki saǵat 17:00 shamasynda 13-16 jastaǵy qyzdar men 15 jastaǵy bozbalanyń emin-erkin emdeý mekemesiniń aýmaǵynan shyǵyp bara jatqany baqylaý kameralaryna túsip qalypty. Dromomanıa aýrýyna shaldyqqan jetkinshekterdi ata-analary atalmysh ortalyqqa jatqyzyp ketken. Dárigerler bul aýrý túrimen aýyratyndar kezbelikke beıim keletinin jáne elester mazalaıtynyn aıtady. Al olardyń aýrýhanaǵa jatqyzylǵanyna bir apta da bolmaǵan. Qazir polısıa jasóspirimderdi izdestirip jatyr.

"Bizdiń ortalyqqa keletin naýqastardy kúshtep, qamap ustamaımyz. Árkim óz erkimen em alýǵa keledi. Alaıda bul jasóspirimder naýqas bolǵandyqtan, olardy tek ata-analarynyń ruqsatymen ǵana shyǵaramyz. Sondyqtan olardy izdep tabýǵa biz de mindettimiz", - deıdi Respýblıkalyq psıhıkalyq densaýlyq ǵylymı-praktıkalyq ortalyǵy bas dırektorynyń orynbasary Qýanysh Altynbekov.