Vetnam prezıdenti Chan Daı Kýangtyń 21 qyrkúıekte 61 jasynda aýyr syrqattan qaıtys boldy dep jazady Qamshy.kz aqparat agenttigi. Resmı derekterge súıensek, Chan Daı Kýang Hanoıdaǵy ortalyq áskerı aýrýhanada kóz jumǵan.
Eske salsaq, Chan Daı Kýang 2016 jyly sáýirde eldegi eń joǵarǵy zań shyǵarý organy - Ulttyq jıyn depýtattarynyń 90 paıyz daýsyn ıelenip, prezıdent bolǵan. Ol buǵan deıin qoǵamdyq qaýipsizdik mınıstri qyzmetin atqarypty.
Ol mınıstr bolyp turǵan kezde vetnamdyq saıası belsendiler men halyqaralyq quqyq qorǵaý uıymdary opozısıa ókilderiniń qýdalanǵanyna baılanysty qoǵamdyq qaýipsizdik mınıstrligin birneshe ret synaǵan.
