Sankt-Peterbor qalasyndaǵy Prımorskıı aýdanynda jetkinshekter №246 mekteptiń 5-synybynda oqıtyn múgedek balanyń ústine janarmaı quıyp, ony órtep jibergen dep jazady Qamshy.kz aqparat agenttigi sheteldik BAQ-qa silteme jasap. 

Jaısyz jaǵdaı Peterbýrg qalasynyń Prımorskıı aýdanynda №246 mektep oqýshysy sabaqtan úıine qaıtyp kele jatqan kezde bolǵan. №635 mekteptiń joǵary synyp oqýshylary on bir jastaǵy balany sońynan ańdyp, keıin ony ózderiniń ústinen shaǵym túsirdi dep kinálaǵan. Shabýyl jasaǵan oqýshylar arasynda qyz bala bolǵan. 

11 jasar jábirlenýshiniń ata-anasy uldaryn qorlaý buǵan deıin 2 ret osyǵan uqsas jaıt bolǵanyn aıtyp otyr. Birinshi rette olar ony elektroshokermen ursa, ekinshi rette betine boıaý jaǵyp ketken

Joǵary synyp oqýshylary ustazdardan urys estip, keıin osy úshin kek qaıtarǵylary kelgen eken. Oqýshylar 11 jasar balanyń ústine janǵysh suıyqtyq quıyp, keıin órtep jibergen.

Jábirlenýshi syrt kıimi men rúkzagyn dereý sheship úlgeripti. Osynyń arqasynda onyń densaýlyǵyna aıtarlyqtaı zıan kelmegen. Shoshynǵan balany oqıǵaǵa kýá bolǵan ózge oqýshylar úıine deıin aparyp tastady. Onyń ata-anasy bolsa dereý polısıaǵa aryz jazǵan. Olar balalaryna kún kórsetpeıtinderdi jazalaýdy talap etip otyr. Jergilikti basylymdardyń habarlaýynsha, balaǵa kimderdiń shabýyl jasap júrgenderi belgili boldy. Jýyrda olar tıisti jazalaryn alady.