QR Memlekettik qyzmet jáne jemqorlyqqa qarsy kúres agenttigi aldaǵy ýaqytta keı memlekettik qyzmetke turý úshin shet elde magıstrlik bilim alýdy mindetteý týraly qujatty usynatynyn aıtty, dep habarlaıdy "Qamshy" portaly. Bul týraly búgin  agenttik basshysynyń ýákili Dınara Janenovanyń málimdeme jasaǵan.

"Biz usynyp otyrǵan negizgi aspektilerdiń biri - memlekettik qyzmetterge taǵaıyndaý úshin magıstrlik dıplomnyń, shet eldik JOO-da, magıstrlik, akademıalyq nemese tolyq bakalvrlyq bilim alýy shart bolýy tıis. Qazir bizdiń memelekettik qyzmetkerler shet eldik áriptesterimen jıi kezdesýler uıymdastyryp, kóptegen jumystardy birlesip atqarýda. Osyny esker otyryp, biz memlekettik qyzmetterdiń keı túrine kvalıfıkasıalyq talaptardy kúsheıtýdi jón dep esepteımiz",-dedi Janenova ortalyq baspasóz klýbynda ótken pres-konferensıada.

Janenovanyń aıtýynsha, agenttik memlekettik qyzmetterge oqýda ozat shyqqan, bilimdi, daryndy jastardy, "Bolashaq" baǵdarlamasynyń túlekterin tartýdy da usynǵan. Sondaı-aq, jas mamandardyń kásibı deńgeıin ósirý úshin shet elderde tájirbıe jınaqtaýǵa jiberý, arnaıy baǵdarlamalar boıynsha oqytý sekildi birqatar bastamalardy josparlap otyr.