Jýyrda belgili juldyzshy Nazarbek Qojamseıitov óziniń aýa raıyna qatysty birshama boljamdarymen bólisti. Ol aýa raıynan bólek  saıası boljamdaryn da jasyryp qalmaǵan.

“Meniń boljamdarym árqashan týra keledi. Jalǵyz aýa raıynyń boljamdary emes, men saıası boljamdardy da týra aıta alamyn. Maǵan keıbir tanys saıasatkerler aldaǵy prezıdenttik saılaýdyń qalaı ótetinin eseptep qoı dep tapsyrma berdi. Ony da eseptep qoıdym”, – deıdi juldyzshy.

Qojamseıitov sáýir aıynda el aımaqtarynyń salqyndaıtynyn boljaǵan.

“Soltústik oblystarda sáýirdiń 10-da sýyq sıklon keledi. 18-20 sáýirde qara daýyl soǵyp, qara sýyq bolady. 2 mamyr kezinde de aýa raıy buzylyp, arty qar aralas jańbyrǵa aınalady. Kún kúrt sýytady”, – dedi ol.

Sonymen qatar, juldyzshy aýa raıynyń kúrt sýytyp nemese kúr jylyp, halyqty ábden mezi qylýynyń sebebin aıtty.

Zymyran ushsa boldy – aýa raıy kúrt buzylady. Qysta kúrt jylymyq, jazda kúrt sýyq ákelip, ylǵaldy shamadan tys jaýdyrady.

“Onyń basty sebebi, Reseıdiń Baıqońyr ǵarysh aılaǵynan ushyryp jatqan zymyrandarynda. Zymyran ushsa boldy – aýa raıy kúrt buzylady. Jáne ol qysta kúrt jylymyq, jazda kúrt sýyq ákelip, ylǵaldy shamadan tys jaýdyrady. Máselen, byltyr 17 naýryzda “Proton” ushyrylǵan soń Pavlodar qalasynda eki kún 30 gradýs, eki kún 28-29 gradýs ystyq boldy. Bul ýaqytta elimizdiń soltústik-shyǵysyndaǵy osynaý qalada mundaı ystyq eshqashan bolmaýy kerek edi. Sonyń kesirinen qar kúrt erip, kóptegen sharýashylyqtar men nysandar sýdyń astynda qaldy”, – deıdi Nazarbek Qojamseıitov.

Ol jýyrdaǵy tabıǵat aýytqýshylyqtary  19 naýryzda ushyrylǵan “Protonnyń” kesirinen dep esepteıdi.

“Almatyda qystyń aıaǵynda osyndaı kólemde qar jaýar ma edi? “Qazgıdromet” mundaıdyń sebebin ǵylymı dáleli bolmaǵan soń aıta almaıdy. Al men ony únemi aıtyp kele jatyrmyn. Tabıǵat óz tynyshtyǵynyń, óziniń ekologıalyq teńgeriminiń buzylǵanyn unatpaı, oǵan óziniń qatal jaýabyn beredi. Sondyqtan, zymyrandardy tek belgili ýaqyttarda ǵana ushyrýǵa kelisim berý kerek. Sonyń ishinde kóktem men kúzdegi jıyn-terin naýqany aıaqtalǵansha olardy jibermeı qoıa turý kerek, oǵan moratorıı jarıalaý kerek dep 2009 jyldan beri aıtyp kele jatyrmyn. Oǵan eshkim jaýap ta bermeıdi, qulaqtaryna da ilmeıdi”, – dep nazyn bildirdi juldyzshy.

Qojamseıitov tabıǵat apattarynyń túbinde adam qolymen istelgen tehnogendik zalaldar jatqanyn aıtty.

Almatyda qystyń aıaǵynda osyndaı kólemde qar jaýar ma edi? “Qazgıdromet” mundaıdyń sebebin ǵylymı dáleli bolmaǵan soń aıta almaıdy.

“Amerıkalyqtar ekonomıkasy men áskerı qýaty jaǵynan Reseıden áldeneshe ese qýatty memleket bola tura ózderiniń jerserikterin orbıtaǵa Reseıdiń “Proton” zymyrantasyǵyshtarymen mıllıardtaǵan dollar tólep ushyryp jatqanyna nege nazar aýdarmaımyz? Zıandy bolmasa olar ózderinde-aq ushyrar edi ǵoı. Meni eshkim de tyńdamaıdy. 2009 jyldan beri aıtyp kele jatyrmyn dedim ǵoı… Al ǵylymı oryndar ony dáleldeýge ne shamasy jetpeıdi nemese mundaıdy aıtpańdar dep bireýler qorqytyp tastaǵan. Sondyqtan aýyzdaryn ashpaıdy”, – dep aıaqtady áńgimesin tanymal juldyzshy.