Elimizde «Nurly jol» baǵdarlamasy aıasynda kólik ınfraqurylymyn qurý jumystary  áli kúnge deıin belsendi atqarylýda. «Nurly jol» baǵdarlamasy aıasyndaǵy jobalar 2019 jylǵa deıin júzege asyrylady.

Naqty aıtar bolsaq, búginde qazaqstandyq jol qurylysshylary Elbasynyń birinshi kezekke qoıyp otyrǵan tapsyrmasyn oryndaýda. Ol – Astana qalasyn ortalyqtan qashyq jerde ornalasqan oblystarmen biriktirý maqsatynda júzege asyrylyp jatqan sáýlelik negizde kólik ınfraqurylymyn qurý. Ortalyq komýnıkasıalar Qyzmetiniń kólik sektorynyń ókilderi bıylǵy jyly buqaralyq aqparat quraldaryn atalmysh baǵdarlamanyń iske asyrylý barysymen tanystyrǵan bolatyn.

«UQ «Qazavtojol» AQ basqarma basshysynyń orynbasary Temirhan Meńdiǵalıevtiń málimetinshe, «Nurly jol» memlekettik baǵdarlamasy aıasynda 2019 jylǵa deıin jalpy uzyndyǵy 4,6 myń shaqyrymnan asatyn 15 joba iske asyrylýy tıis.

Bul josparǵa qadaı dálizderdiń kiretinin de atap ótti: Ortalyq – ońtústik «Astana – Qaraǵandy – Balqash – Almaty», Ortalyq – Shyǵys «Astana – Pavlodar – Qalabataý – Óskemen», Ortalyq – Batys «Astana – Arqalyq – Shalqar – Qandyaǵash», Ortalyq – Soltústik «Astana – Petropavl – Reseı shekarasy».

Budan bólek, basym baǵyttardyń biri – Almaty-Óskemen, Úsharal-Dostyq, Beıneý-Aqjigit, Qalabataý-Maıqapshaǵaı, Oral-Kamenka-Reseı shekarasy bolyp tabylady.

Basqarma basshysy tóraǵasynyń aıtýynsha, búgingi tańda bul jobalarǵa qatysty birqatar kelisimsharttarǵa qol qoıylyp, qurylys jumystary bastalyp ta ketken.

Onyń pikirinshe, bıylǵy jyly 525 shaqyrym joldyń qurylysyn aıaqtaý josparlanyp otyr.«Bul jobalardy tolyǵymen iske asyrý 2022 jylǵa deıin sozylmaq», - dep atap ótti Temirhan Meńdiǵalıev.

Sonymen qatar, «Qazavtojol» AQ basqarma basshysynyń orynbasary eldegi barlyq jol obektileri biryńǵaı Ulttyq standart boıynsha salynatyndyǵyn habarlady. Jergilikti ákimdikter jol qyzmetterin 2017-2020 jyldarǵa arnalǵan ulttyq standarttar talaptaryna sáıkes keltirýge kirisip ketken.

«Nurly jol» memlekettik baǵdarlamasy aıasynda 2020 jylǵa deıin 260 servıstik obektini salý, qaıta qurý nemese jabdyqtaý josparlanyp otyr.

- Oblys ákimdikterinde obektilerdi ulttyq standarttarǵa saı keltiretin aımaqtyq jumys toptary jumys isteıdi. Olardyń quramyna oblys ákimdikteri, «Atameken» UKP, «Damý» qory, dergilikti qoǵamdyq keńester jáne kásipkerler kiredi, - dep aıtyp ótti «Qazavtojol» AQ basqarma basshysynyń orynbasary.

Onyń aıtýynsha, 31 nysandy - onyń ishinde: Ortalyq-Ońtústik, Ortalyq-SHyǵys, Ortalyq-Batys jáne ózge de joldardy qaıta qurý jumystaryn - respýblıkalyq búdjet qarajatynyń qarjylandyrý kózdelýde. 229 nysandy salý, qaıta qurý nemese keshendi quyrylymdardy jasaqtaý jumystaryna jelilik bıznes qurylymdaryn, sonyń ishinde shaǵyn jáne orta bıznes pen múddeli ınvestorlardy tartý qajet ekendigin de aıtty.

Spıker, sonymen qatar, elimizdegi mańyzdy máselelerdiń birine toqtalyp ótti. Onyń málimetinshe, Qazaqstannyń joldarynda yńǵaıly ári jaıly dárethanalar paıda bolady eken.

Betonnan jasalǵan dárethanalardyń ornynda yńǵaıly ári jyly sanýzl bólmeleri salynbaq.

- Qyzmet kórsetý sapasyn jaqsartý úshin jáne týrızmdi damytý maqsatynda búgingi tańda KazWay servısiniń jyly ári yńǵaıly 66 modýldik pavılondaryn ornalastyryp, 2025 jylǵa deıin sýyq betondy dárethanalardy aýystyrý qajet, - dedi Temirhan Meńdibaev.Sonymen qatar, Astana-SHýchınsk avtojolynyń sýqoıma bóliminde 47 eski dárethanalrdyń buzylǵanyn aıtty.

Taǵy bir aıta ketetin jaıt, elde bastalǵan sıfrlandyrý úderisi kontekstinde Transpark, Google Maps jáne Yandex Maps kartalaryna jalpyǵa qol jetimdi bolý úshin jol qyzmeti obektilerin qosý jumystary júrgizilýde. Qazirgi tańda bul uıym jol qyzmeti nysandarynyń ornalasqan jeri jáne usynylatyn qyzmetter tizimi týraly egjeı-tegjeıli aqparatpen bólisý qyzmetterin ázirleýde.

Aıta keteıik, Qaraǵandy-Balqash trassasynyń 363 shaqyrymyn Eksımbank (QHR) qarjylandyrmaq.

– Búgingi kúni osy ýchaskede kelisimsharttar boıynsha kelissózder júrgizilýde, sonymen qatar ýaqytsha jáne turaqty bólýge jer ýchaskelerin alý úshin rásimder júrgizilýde, - dep atap ótti «Qazavtojol» AQ basqarma basshysynyń orynbasary.

Belgili bolǵandaı, Qazaqstandaǵy respýblıkalyq mańyzy bar baǵyttar aqyly bolmaq.Respýblıkalyq mańyzy bar avtojoldardyń 27 paıyzyn quraıtyn 24100 shaqyrymy nemese jalpy uzyndyǵy 6,5 myń shaqyrymdy quraıtyn bolady.