Qazaqstan Respýblıkasynyń Prezıdenti Nursultan Ábishuly Nazarbaev 2018 jylǵy 18 qazanda jarıalaǵan «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýyn Astana qalasynyń jergilikti áskerı basqarý organdarynyń jeke quramy zeıin qoıa zerdelep, Elbasy atap ótken naqty tapsyrmalady taldaý maqsatynda Astana qalasy ákimdigiń qyzmetkerlerimen birlesken otyrys ótkizdi.
Jergilikti áskerı basqarý organdarynyń tikeleı jergilikti halyqpen, al naqtyraq aıtsaq, jastarmen jumys júrgizetindigin eskere otyryp, otyrys barysynda negizinen jastarǵa áskerı-patrıottyq tárbıe berý máselesi talqylandy.
Joldaýdyń 6-shy bóliminde Prezıdent jastardyń barlyq sanatyn qoldaýǵa arnalǵan sharalardy tolyq qamtıtyn áleýmettik satynyń aýqymdy platformasyn qalyptastyrý kerek ekendigine basa nazar aýdarǵan bolatyn. Sonymen qatar, kelesi jyldy Jastar jyly dep jarıalaýdy usynyp, «Sarbaz» balalar-jasóspirimder birlestigin quryp, mektepterde áskerı-patrıottyq tárbıeniń rólin kúsheıtý kerektigin eskertti.
Osy oraıda, árıne, eń aldymen áskerı-patrıottyq tárbıe berý Elbasy ataǵan maqsatqa jetýdiń alǵysharty ekeni aıdan anyq.
«Jastar – elimizdiń bolashaǵy! Osy oraıda Elbasynyń bul bastamasyn biz tolyqtaı qoldaımyz. Aldaǵy ýaqytta jastardy áskerge yntalandyrý, áskerı-patrıottyq klýbtardyń jumysyn jandandyra otyryp, olardyń ózara tyǵyz baılanysyn nyǵaıtý boıynsha jumystardy kúsheıte túsýimiz kerek», - dep óz baıandamasynda Astana q. QİJD bastyǵynyń mindetin ýaqytsha atqarýshy polkovnık Erlan Jabyqbaev atap ótti.
Jastarǵa áskerı-patrıottyq tárbıe berý – QR Qarýly Kúshteri qyzmetiniń negizgi baǵyttarynyń biri bolyp tabylady. Elimizde jergilikti áskerı basqarý organdarynyń jáne tárbıe qurylymdarynyń júrgizip jatqan jumystarynyń nátıjesinde mektepterdiń janynda áskerı-patrıottyq jáne áskerı-sporttyq quralymdar jelisi belsendi túrde damýda, áskerı-sheftik baılanys keńeıýde, áskerı jáne azamattyq jastar arasynda ózara is-qımyl nyǵaıýda. Búgingi tańda áskerı sarapshylardyń baǵa berýi boıynsha áskerı-patrıottyq klýbtyń tórtinshi derlik tárbıelenýshisi óziniń ómirin armıamen baılanystyrady. Qorytyndy retinde áskerı-patrıottyq klýbtardyń qabyrǵasynda tálim-tárbıe alǵan jáne shynyqqan, áskerge shaqyrylǵan nemese áskerı oqý oryndaryna oqýǵa túsken jastardyń áskerı ǵylymnyń qyr-syryn meńgerýde anaǵurlym joǵary daǵdylary bar, armıalyq qyzmettegi jaǵdaılarǵa jeńil beıimdeledi.
