Qazaqstanda "Nurly jer" memlekettik turǵyn úı baǵdarlamasy aıasynda páter alýdy júzege asyrý erejeleri bekitilgen. Erejege sáıkes, qatysýshyǵa bir páterden artyq úı alýǵa múmkindik berilmeıdi.
2018 jyldyń 31 shildesinde Qazaqstan Respýblıkasynyń Investısıalar jáne damý mınıstriniń buıryǵymen «Nurly jer» memlekettik turǵyn úı baǵdarlamasy aıasynda salynǵan nemese jeke qurylys salýshylardan alynǵan turǵyn úıdi júzege asyrý erejeleri bekitildi.
Erejeler kelesi turǵyn úıdiń iske asyrylýyn anyqtaıdy:
-Oblystardyń, Astana, Almaty jáne Shymkent qalalarynyń jergilikti atqarýshy organdarynyń kredıttik turǵyn úılerin;
-Pılottyq jobalardaǵy jeke turǵyn úıler;
-«Qazaqstan ıpotekalyq kompanıasy» Ipotekalyq uıymy» aksıonerlik qoǵamy satyp alǵan jalǵa beriletin turǵyn úıler;
-«Báıterek development» aksıonerlik qoǵamynyń turǵyn úıleri;
-«Jyljymaıtyn múlik qory «Samuryq-Qazyna» aksıonerlik oǵamynyń komersıalyq turǵyn úıleri;
-Jyljymaıtyn múlik qory satyp alǵan jalǵa beriletin turǵyn úıler.
Turǵyn úıdi satýdyń buryn qabyldanǵan baǵdarlamalary sheńberinde jeke qurylys salýshylardan nemese satyp alynǵan turǵyn úıdi satý tártibi osy Erejege sáıkes júzege asyrylady.
Bul jaǵdaıda, qatysýshynyń erejeniń 2, 4 jáne 27 tarmaqtarynda kórsetilgen tártip boıynsha, turǵyn úıdi satyp alý jaǵdaılaryn qospaǵanda, bir páterden artyq úı alýǵa múmkindik berilmeıdi.
Joǵaryda atap ótken tarmaqtarda kórsetilgen turǵyn úıdi satyp alý jaǵdaılaryn qospaǵanda, otbasyda nekege turǵanǵa deıin jubaıynyń jalǵa satyp alǵan páteri bolsa, bul baǵdarlamaǵa qatysýǵa jiberilmeıdi.
«Nurly jer» memlekettik turǵyn úı baǵdarlamasy boıynsha satyp alýdy júzege asyratyn jalǵa alý týraly sharttar tirkeý organdarynda mindetti memlekettik tirkeýge jatady.
Ótinish berýshini turǵyn úıge qatysýshylardyń tizimine engizý týraly birneshe faktiler anyqtalǵan jaǵdaıda, ótinish berýshige jeti jumys kúni ishinde úıdiń birin tańdaý týraly habarlama jiberiledi.
Osy talaptardyń oryndalýyn baqylaý jumystary ótinish berýshiniń onyń atysýyn jáne satyp alý-satý sharty jasalǵanǵa deıin qaıtadan usynylǵan jyljymaıtyn múliktiń joqtyǵyn tekserý týraly mindetti kelisimi negizinde júzege asyrylady.
Jergilikti atqarýshy organ irikteý rásiminiń sońynda óz ınternet-resýrsynda qabyldanǵan ótinishterdiń tizimi men turǵyn úı baǵdarlamasy arqyly úı alýǵa múmkindik alǵan qatysýshylardyń tizimin jarıalaıdy.
Sonymen qatar, «Nurly jer» memlekettik turǵyn úı baǵdarlamasy arqyly páter alýǵa múmkindik alǵan qatysýshylar memlekettik turǵyn úı qorynan nemese turǵyn úı zańdaryna sáıkes, jergilikti atqarýshy organnyń jeke turǵyn úı qoryna jalǵa bergen turǵyn úıge muqtaj azamattardyń tiziminen alynyp tastalynady.
Oblystyq ortalyqtarda, qalalarda, respýblıkalyq jáne oblystyq mańyzy bar qalalarda, elordada turǵyn úıge ótinish berýshilerden qujattardy jergilikti atqarýshy organ «elektrondyq úkimet» veb-portaly arqyly nemese resmı ınternet-resýrs arqyly qabyldaıdy.
Al aýyldyq eldi mekenderde, aýyldyq okrýgterde ákimdik arqyly «qaǵaz» qujat retinde beriledi.
Atalmysh buıryq alǵashqy resmı jarıalanǵan kúnine bastap kúshine enedi.
