10 qyrkúıekte Májilis úıinde «Nurly jol» baǵdarlamasyn iske asyrýǵa baılanysty «Nurly jol» ınfraqurylymdy damytý memlekettik baǵdarlamasyn iske asyrý aıasynda avtomobıl joldaryn damytý» atty úkimet saǵaty ótti. Atalmysh sharaǵa mınıstrlik pen vedomstvalardyń ókilderi men «Qazavtojol» AQ ókili qatysty.
Elimizde jol máselesi áli kúnge deıin ózekti máselelerdiń biri bolyp sanalady. «Nurly jol» baǵdarlamasyn júrgizý barysynda da túrli tártip buzýshylyqtar men olqylyqtar baıqalǵan. Iá, «Máskeý birden qurylmady» demekshi barlyǵy birden minsiz bolýy múmkin emes. Osyǵan baılanysty atalmysh jobany júzege asyrý barysyndaǵy kemshilikter men olqylyqtardyń ornyn toltyrý úkimet otyrysynyń basty maqsaty.
Úkimet saǵatynda alǵash bolyp sóz bastaǵan vıse-spıker Vladımır Bojko «Tórtinshi ónerkásiptiń damýyna jasalǵan jańa múmkindikter» atty QR prezıdentiniń Qazaqstan halqyna joldaýynyń mańyzy týraly sóz etti. Atalmysh joldaý elimizdegi avtojol men port qurylysyn damytýǵa múmkindik beredi.
"Tranzıttik áleýettiń damýyna arnalǵan Elbasynyń tapsyrmasy Májiliste únemi baqylaýda ustaımyz. Bul «Nurly joldyń» basqa da bólimderiniń qatarynda, 2016 jyldyń 26-jeltoqsany men 2017 jyldyń 10-sáýirinde ótken úkimet saǵatynda qarastyrylǵan bolatyn.
Sońǵy úkimet saǵattardyń birinde halyqaralyq deńgeıde Ózbekstan, Norvegıa jáne Ázirbaıjan elderinen kólik tasmaldaý máselesi men Evrazıalyq ekonomıkalyq odaqtyń kedendik kodeks týraly kelisimshart talqylandy. Keıin «QR kedendik qyzmetin retteý» zańy qabyldandy. Bul zań arqyly shekaralas elderdiń arasyndaǵy tasymaldy rásimdeý retke keltirildi.
Taǵy bir aıta keterligi Elbasynyń tapsyrmasymen kóptegen joldar jóndeýden ótip, osy jobalar arqyly 75 myń adam jumyspen qamtamasyz etildi. 2015-2017 jyldar aralyǵynda birinshi jáne ekinshi dárejeli 1,8 myń shaqyrym jol salynyp, jóndeýden ótti.
«Nurly jol» baǵdarlamasy arqyly bizdiń el álemdik deńgeıdi qalyptastyryp, qol jetkizýge yqpalyn tıgizgenin de atap ótpese bolmaıdy", dedi vıse-spıker.
Alǵashynda baǵdarlama aıasyndaǵy jetistikterldi jipke tizgendeı atap ótken Bojko "Ult jospary – júz naqty qadam» jobasy men «Nurly jol» baǵdarlamasyn júzege asyrý barysyndaǵy qatelikterdi aıtty.
«2018 jyly jol salý josparyna kóp kúsh salyndy. Sonymen birge jalpy zyndyǵy 528 shaqyrymdy quraıtyn 22 jobany aıaqtaıtyn ýaqyt keldi. Sonymen birge osymen toqtap qalmaı basqa da mańyzdy josparlardy júzege asyrýdy jalǵastyrǵan jón. Saraptama nátıjesi boıynsha, «Nurly jol» men atalmysh jobany júzege asyrýǵa baǵyttalǵan sharalarda júıelik máseleler de joq emes. Sebebi qurylys pen jol qozǵalysy jospar boıynsha aıaqtalatyn ýaqyty qadalanbaǵan, osynyń saldarynan keı jobalar ýaqytyly aıaqtalmaı jatyr», dedi Bojko.
Investısıa jáne damý mınıstri Jeńis Qasymbek ózińi baıandamasynda atalmysh baǵdarlamanyń basty baǵyty avtojol salasy ekenin tilge tıek etti.
«Bul baǵytta elimizdegi avtomobıl joldaryn rekonstrýksıalaý men salý jumystary júrgiziledi. Sonymen birge olar elimizdiń iri qalalaryn sapaly ınfraqurylymǵa qosatyn, avtokólikpen tranzıttik júk tasymaly kólemin ulǵaıtýǵa septigin tıgizedi», dep baıandama jasady Jeńis Qasymbek.
Atalmysh úkimet saǵatynda Ekonomıkalyq reforma jáne óńirlik damý komıtetiniń tóraǵasy Sabılánov ta qosymsha baıandama jasap, avtojol salasynyń damýyna keri áser etetin birqatar máselelerdi atap ótti.
Onyń aıtýy boıynsha, avtomobıl joldaryn damytý barysynda baǵdarlamaǵa sáıkes búdjetten 2 trlnú 400 mlrd teńge qarastyrylypty.
«Avtojol salasynyń damýyna keri áser etip jatqan máseleler bar. Atap ótetin bolsam, birinshiden, avtojol boıynsha jobalardy iske asyrý barysynda bastapqyda belgilengen merzimniń buzylýy, olardy birneshe ret túzetý máselesi; Ekinshiden, bul salynǵan joldardyń sapasy; Úshinshiden, memlekettik baǵdarlamany iske asyrý kezinde keı jobalardyń josparly kórsetkishterge qol jetkize almaýy; Tórtinshiden, jol jabyndarynyń kóterý qabileti az ýaqyt ishinde tozyp ketýi; Besinshiden, aımaqtyq mańyzy bar joldardy jóndeýge qarjy bólinýi, Altynshy, respýblıkalyq mańyzy bar avtomobıl joldaryn jóndeýge baılanysty jobalardy qarjylandyrý kezinde ashyq aqpar taratylmaýy, ashyqtyqtyń bolmaýy; Jetinshiden, jol servısiniń damymaǵandyǵy men avtojoldarda navıgasıa júıesiniń bolmaýy», dep atap ótti Sabılánov.
