Endi Qyzylordalyq Qazposhta qyzmetkerlerniń qyzmeti dron arqyly iske asatyn bolady.
Atalǵan óńirde «Qazposhta» AQ tez arada jetýi tıis qajetti zattardy alys-shalǵaı jerlerge drondar arqyly jetkizýdi josparǵa qosyp, ony oryndaý úshin jumystar júrgizýde.
Búginde elimizdiń birqatar oblystary drondardy qoldanýdan kóp artyqshylyqtarǵa ıe bolyp otyr. Máselen gazet-jýrnaldardy jetkizýge kóp shyǵyndalmaıdy.
«Qazirgi tańda Qaraǵandy, Astana, Almaty oblystary bul drondar arqyly poshta sálemdemelerin jetkizýde. Dron 500 km. deıin ushady. Ol tek gazet-jýrnaldar ǵana emes sondaı-aq, salmaǵy 5 kılogrammǵa deıingi shaǵyn sálemdemelerdi de jetkizýge qabiletti. Hat-habardy avtokólikpen tasymaldaýǵa shamamen 4 saǵat ýaqyt jumsalsa, bul aralyqty dron bar-joǵy 40 mınýtta erkin eńseredi. Eń bastysy – únemdi ári qolaıly. Mundaı drondarǵa usynys berildi, 2019 jylǵa iske qosý josparlanyp otyr», – dedi «Qazposhta» AQ Qyzylorda fılıalynyń dırektory Aıda Ábıbýllaeva.
Aıta ketelik, búgingi tańda «Qazposhta» AQ Qyzylorda oblystyq fılıalynyń 238 000-nan astam tutynýshysy barlyq derlik qyzmetterdi paıdalanýǵa múmkindik alyp otyr.
Byltyrǵy jylmen salystyrǵanda Qyzylorda oblystyq fılıaly basqa oblystyq fılıaldarǵa qaraǵanda eń úlken ósimge, ıaǵnı 12 %-ǵa qol jetkizip otyr.
Esterińizge sala ketelik, qalalyq pochta toraby basshylary jáne de Jańaqorǵan, Shıeli aýyldyq poshta bólimsheleri qyzmetkerleriniń qatysýymen jıyn ótkizilgen bolatyn. Jınalys barysynda sala boıynsha kóptegen máseleler talqylandy. Negizgi suraq – sapa jaıynda boldy. Odan keıin jospardyń oryndalýy, elektrondyq komersıa, franchaızıń, tártip, biliktilik, sharýashylyq máseleleri jaıynda sóz qozǵalyp, birqatar máseleler qarastyryldy.
