Otbasylyq janjaldyń nátıjesi ólimge ákep soqty. Eki kúnnen beri áleýmettik jelide izdeý salynǵan almatylyq jýrnalıs Áıgerim Musaevanyń óli denesi tabyldy.

Almaty qalasy İshki ister departamenti jýrnalısiń ólimine ne sebep bolǵanyn aıtty, dep jazady Qamshy.kz aqparat agenttigi.

Vedomstvodaǵy derekterge sáıkes, boıjetkenniń denesi 19 qazannan 20-syna qaraǵan túni Túrksib aýdanynda tabylǵan. Aldyn ala derekterge sáıkes, qyz poıyzdyń astyna túsip ólgen.

Musaevanyń denesin birden taný múmkin bolmady. Sebebi bir de bir qujaty janynda emes edi. Denesi máıithanaǵa jiberilip, ony tanýǵa aǵasy barady.

Budan buryn kezekshi bólimge er adam kelip, áıeliniń joǵalyp ketkenin aıtyp aryz bergen.

Keıin anyqtalǵandaı, boıjetken otbasylyq janjaldan keıin úıinen shyǵyp ketip, sol kúıi oralmady.

Polısıa qyzmetkerleri jaǵdaıdyń mán-jaıyn anyqtap jatyr.

♦Almatyda qazaqstandyq jýrnalısiń máıiti tabyldy

Aıta keteıik, 20 qazan HIT TV arnasynyń prodúseri Áıgerim Musaevanyń joǵalyp ketkeni jaıly aqparat tarap edi. Al kúni keshe qyzdyń óli denesi tabyldy.

Jasy náberi 27-de bolǵan jýrnalısiń artynda kúıeýi men eki kishkentaı balasy qaldy.