"Business Insider" aqparattyq portaly Eýropa qurlyǵyndaǵy áskerı qýaty jaǵynan eń myqty qaı el ekenin anyqtady. Reıtıńti anyqtaý barysynda áskerı salaǵa bólinetin qarjy, áskerlerdiń sany men eldiń damýy jáne taǵy da basqa faktorlar eskerilgenin aıta ketý qajet.

Aqparattyq portal atap ótkenindeı, birinshi oryndy árıne Reseı alady. Qazirgi ýaqytta orystyń 3,5 mıllıon áskeri, 20 myń tanki men 4 myń ushaǵy bar. Reseı jyl saıyn qorǵanys salasyna 47 mıllıard dollar qarajat bóledi.

Eýropa qurlyǵynda áskerı saladaǵy qýatty eldiń biri –Fransıa. Fransýz bıligi el qorǵanysyn damytýǵa jyl saıyn 40 mıllıard dollar qarjy jumsaıdy. Olardyń áskerı qyzmetkerler sany–400 myń adamǵa jýyq. Fransýzdarda qazirgi ýaqytta 11500 tank pen 1000-nan asa áskerı ushaq bar.

Portaldyń deregine sensek, úshinshi oryndy Ulybrıtanıa alady. Reseı men Fransıaǵa qaraǵanda ol áskerı qorǵanys salasyna sonshalyqty kóp qarjy bólgenimen, olarda áskerı tehnıka az. Olar jyl saıyn qorǵanysty arttyrýǵa 50 mıllıard dollar jumsaıdy. Biraq áskerı ushaq pen tank fransýzdarǵa qaraǵanda eki ese az.

Al onan keıingi oryndardy Túrkıa, Germanıa, Italıa, Ispanıa, Polsha, Grekıa alady.  Ondyqtyń sońynda Ýkraına memleketi alady.  

Ekinshi ondyqty Chehıa, Shvesıa, Shveısarıa, Norvegıa, Nıderlandy, Rýmynıa, Belorýssıa, Danıa, Vengrıa, Fınlándıa quraıtynyn aıta ketý kerek. Al armıasy eń álsizder qatarynda nemese reıtıńtiń eń sońynda

Bolgarıa, Avstrıa, Slovakıa, Portýgalıa  memleketteri tur. Al Belgıa memleketi qorǵanys salasyna 1 mıllıard dollar jumsaıdy. Bir qyzyǵy, bul elde birde-bir tank joq.

«Business Insider» aqparattyq portalynyń dereginshe, Germanıada árbir úshinshi tank pen áskerı ushaq soǵysqa daıyn tur.