Mańǵystaý oblysy ákiminiń birinshi orynbasary Serik Amanǵalıevtiń qalaı ustalǵany kórsetilgen vıdeo taraldy, dep jazady Qamshy.kz aqparat agenttigi.

Memlekettik qyzmet jáne jemqorlyqqa qarsy agenttiktiń resmı ókili Janna Bastarovanyń habarlaýynsha, ol 115 myń eýro kóleminde para aldy dep aıyptalyp otyr.

«Ol memlekettik-jekeshelik áriptestik aıasynda iske asyrylyp jatqan quny 4,5 mıllıard teńgeni quraıtyn ınvestısıalyq joba boıynsha jalpy qamqorlyǵy úshin qurylys kompanıasy ókilinen kelisilgen 400 myń eýro para somasy bóliginiń 115 myń eýrosyn aldy dep kúdikteldi», - dedi Janna Bastarova.

Buǵan deıin Serik Amanǵalıetiń 2 aıǵa qamaýǵa alynǵany jaıynda habarlanǵan. Oblystyq sot málimdegendeı, Amanǵalıev memlekettik qyzmet jáne memlekettik basqarý múddesine qarsy áreket jasap, iri kólemde para alǵany úshin aıtyptaldy.

«2018 jyldyń 3 qarashasynda Serik Amanǵalıev Aqıaýdyń halyqaralyq áýejaıy mańynda Sybaılas jemqorlyqqa qarsy is-qımyl ulttyq búrosymen jedel izdestirý sharalaryn júzege asyrý barysynda ustaldy», - dep jazylǵan edi vedomstvoda.