Almaty ákimi Baýyrjan Baıbek Shveısarıa Konfederasıasy Federaldy jıyny kantondar Keńesiniń halyqaralyq ister jónindegi Komıtetiniń tóraǵasy Fılıppo Lombardımen kezdesti. Taraptar saýda-ekonomıkalyq jáne mádenı-gýmanıtarlyq baılanystardy nyǵaıtý máselelerin talqylady.
Qazirgi kezde Shveısarıa energıanyń tıimdiligin arttyrý men jańa energıa kózderin ashý salasynda ınovasıany damytý boıynsha kósh bastaýda, al Sýg qalasy blokcheınder tehnologıasynyń jahandyq ortalyǵyna aınalyp otyr.
Onyń ústine, «Smart-City» jobasyn júzege asyrýda shveısarıalyq kompanıalardyń jınaqtaǵan tájirıbeleri mol. Memlekettik «Sıfrly Qazaqstan» baǵdarlamasy men «Smart Almaty» jobasy boıynsha jańa tehnologıalardy engizýge oraı taraptar osy baǵyttar boıynsha yntymaqtastyqty nyǵaıtyp, tájirıbe almasýǵa qyzyǵýshylyq bildirdi.
Aıta keterligi, Shveısarıa Qazaqstannyń úshinshi aýqymdy sheteldik ınvestory bolyp tabylady. Almaty men Shveısarıa arasyndaǵy taýar aınalymy oń dınamıkaǵa ıe. Qalada saýda, medısına, qarjy jáne basqa salalarda shveısarlyq kapıtalmen 93 kásiporyn jumys isteıdi.
