Qazaqstandaǵy múmkindigi shekteýli jandardy jumys ornalastyrý máselesin sheshý maqsatynda «Nur Otan» partıasy men «Green Tal» áleýmettik sheberhanasyny birlesip Astana qalalyq fılıaly forým uıymdastyrdy. Oǵan 20-ǵa jýyq áleýmettik salada qyzmet atqaryp júrgen uıymdar, bıznes qurylymdary, memlekettik organdar, úkimettik emes uıymdardyń ókilderi men qoǵam qaıratkerleri, QR Eńbek jáne halyqty áleýmettik qorǵaý mınıstrliginiń eńbek, áleýmettik qorǵaý jáne kóshi-qon komıteti tóraǵasynyń orynbasary Dámejan Sadýaqasova qatysty. Forýmǵa kelýshilerge jármeńke de uıymdastyryldy. Jármeńkede 20-ǵa jýyq áleýmettik uıym ózderiniń jasaǵan buıymdary men zattaryn qonaqtardyń nazaryna usyndy. Statısıkalyq málimetke súıensek, Qazaqstanda 674 myń múgedek jan bar eken. Onyń 400-i jumys isteýge qabiletti. Alaıda qazirgi tańda onyń tek otyz paıyzy ǵana jumys isteıdi.
Forýmda Qazaqstandaǵy áleýmettik máseleleri kóterildi. Olardy sheshý joly talqylanyp, naqty maqsattar qoıyldy. Elbasy Nursultan Ábishuly Nazarbaevtyń ózi áleýmettik máselelerdi sheshý úshin bes áleýmettik baǵdarlamasyn usynǵan edi. Bıyl qazan aıynda «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda ony jarıalaǵan bolatyn. Qazirgi tańda 5 áleýmettik baǵdarlama júzege asý úshin jumystar atqarylyp jatyr. Qazaqstan Respýblıkasy prezıdentiniń tapsyrmasyn oryndaý úshin memlekettik mekemeler baryn jasaýda. QR Eńbek jáne halyqty áleýmettik qorǵaý mınıstrliginiń ókili Dámejan Sadýaqasovanyń nátıjeli jumys jasalyp keledi. Máselen, halyqty, onyń ishinde múmkindigi shekteýli jandardy jumysqa ornalastyrý úshin, kásip ashýǵa múmkindik ashý úshin shaǵyn nesıe berý, grant berý qarastyrylǵan.
Forým aıasynda múmkindigi shekteýli jandardy jumysqa ornalastyrý úshin Qazaqstan Respýblıkasynyń Eńbek jáne halyqty áleýmettik qorǵaý mınıstrligi qarjy bólmekshi. Endi kez kelgen jumys berýshi memleketten sýbsıdıa ala alady. Bul týraly Qazaqstan Respýblıkasynyń Eńbek jáne halyqty áleýmettik qorǵaý mınıstrliginiń eńbek, áleýmettik qorǵaý jáne kóshi-qon komıteti tóraǵasynyń orynbasary Dámejan Sadýaqasova málim etti.
Forýmda 2018 jyly memleket búdjetinen júz bes mıllıon bólingeni aıtyldy. Sonyń arqasynda jeti júz jetpis myń jumys orny ashyldy, sáıkesinshe jeti júz jetpis myń adam jumyspen qamtyldy. Osymen qatar, múmkindigi shekteýli jandardy jumyspen qamtý úshin on tórt arnaıy joba jasaldy. Ol arqyly júz elý adam oqyp, bilim aldy, júz otyz adam jumysqa ornalasty.
2018 jyldyń 28 qyrkúıeginde Qazaqstan Respýblıkasynyń astanasy – Astanada respýblıka aýmaǵynda «Qazaqstannyń úzdik áleýmettik jobalary» atty báıge ótkizildi. Báıgege qatysý úshin úsh júz on segiz uıym ótinish jazǵan bolatyn. «Qazaqstannyń úzdik áleýmettik jobalary» atty konkýrstyń jeńimpazdary alǵys hattarmen, maqtaý qaǵazymen, sertıfıkattar tabystaldy. Arnaıy syılyq aldy. «Green Tal» áleýmettik sheberhanasynyń negizin salýshy Ámın Áskerov arnaıy júldeni jeńip aldy.
«Astanada biz alǵash ret atalmysh forýmdy ótkizip otyrmyz. Bul bastama aıasynda biz memlekettik organdarmen tikeleı jumys isteý múmkindigine ıe bola otyryp, birlese qoǵam arasynda paıda bolǵan barlyq máseleni ońaı sheshemiz degen úmittemin»,-deıdi «Green Tal» áleýmettik sheberhanasynyń negizin salýshy Ámın Áskerov.
Respýblıkalyq deńgeıde ótkizilgen báıgede túrli salanyń ókilderi óz bilimderimen, tájirıbesimen bólisti.
