Astana bıligi qala kóshelerin qardan tazartýǵa 13 mıllıard 921 mıllıon 301 myń teńge bóldi, bul 37 mıllıon 123 myń dollarǵa teń dep jazady Qamshy.kz aqparat agenttigi elorda.info saıtynyń deregin negizge alyp. 

Qardy tazalaýǵa yńǵaıly ári merdiger uıymdardy baqylaýǵa jeńil bolý úshin olardyńk arasynda qala aýmaǵyn aýdandarǵa ǵana emes, sharshylarǵa da bóldi.

"2019 jyldan bastap sanıtarlyq tazartý boıynsha qyzmettke baıqaýdy aýdan ákimdikteri úsh jylǵa ótkizedi. Ár aýdan birneshe sharshyǵa bólinip, jalpy qalada  28 sharshy bolmaq, Esil aýdanynda – 8, Almaty – 9, Baıqońyr – 5, Saryarqa – 6", — dep túsindirdi Astana qalasy janarmaı-energetıkalyq kesheni jáne komýnaldyq sharýashylyq basqarmasy ınfraqurylymdy damytý bóliminiń basshysy Jasulan Baıjanov.

Onyń sózine súıensek, elordada qar jaýǵannan keıin kúrelýi tıis aýmaqtyń aýdany 25 mıllıon 789 myń 047 sharshy metr.

"Bul bıyl qalada qardan tazatylatyn aýmaq. Onyń ishinde mehanıkalyq tazartý – 9 921 447 sharshy metr, qolmen kúreý – 15 867 600 sharshy metr. Al baǵyttardyń jalpy uzyndyǵy – 932 766 metr", — deıdi ol.

Astanada bıyl qysta kóshelerdi qardan tazartýǵa 1564 kólik jumyldyrylmaq.