Almaty ákimdigi A-Parking  Baýyrjan Baıbek pen onyń týystarynyń ıeligindegi kompanıa degen jalǵan aqparatqa qatysty pikir bildirdi dep jazady Qamshy.kz aqparat agenttigi informburo.kz  saıtynyń deregin negizge alyp. 

«Almaty ákimdigi qala turǵyndaryna yńǵaıly transporttyq orta qalyptastyryp, ekologıalyq jaǵdaıdy rettep, kóleńkeli ekonomıkanyń kúrt tómendeýine jaǵdaı jasap, turǵyndardyń yńǵaıly ómir súrýi úshin kólik reformasyn júrgizýde», - deıdi ákimdik.

Ákimdik turaq termınaldary men aıaldamalarda ilýli turǵan plakattardaǵy «A-Parking kompanıasyna Almaty ákiminiń qatysy bar» degen jalǵan aqparatty kóleńkeli kapıtalǵa toqtaý salyp, aq-qarany ajyratýǵa kedergi jasaǵysy keletin arnaıy adamdardyń qastandyǵy dep baǵalady.

 "A-Parking kompanıasynyń 70 paıyzy jeke menshikte, al 30 paıyzy memlekettiń ıeliginde. 2016 jyldyń mamyr aıynda arnaıy konkýrs jarıalandy. Bul konkýrsqa 4 kompanıa qatysty, onyń ishinde bireýi sheteldik kompanıa bolatyn. Nátıjesinde, seriktes retinde «RR2» JSHS jeńiske jetti.

Almaty ákimdigi qala ákiminiń jáne onyń otbasy, týǵan-týystarynyń A-Parking kompanıasynda úlesi joq ekenin resmı túrde málimdeıdi. Osyǵan qatysty ákimdik qalalyq quqyq qorǵaý organdaryna jalǵan aqparat taratyp, jala jabýǵa qatysy bar azamattardy qýdalap, jazalaýǵa ótinish bildirdi.

Al qala ákimdigi óz kezeginde zańsyz áreketterdi anyqtap, qaladaǵy jaǵdaıdy jaqsartý úshin zamanaýı basqarý tehnologıalaryn engizýdi jalǵastyrady" deıdi Almaty qalasynyń ákimdigi.