2018 jyldyń  29-y qarashasy kúni Astana qalasynda «Eńbek naryǵynyń bolashaǵy:jańa múmkindikter» forýmy ótedi. Forým Qazaqstan Respýblıkasynyń Úkimeti, Eńbek jáne halyqty áleýmettik qorǵaý mınıstrligi jáne «Sheteldik ınvestorlardyń Qazaqstandyq Keńesi» qaýymdastyǵymen birlesip uıymdastyrylýda.

«Eńbek naryǵynyń bolashaǵy: jańa múmkindikter» forýmy -  4-i Óndiristik revolúsıa jaǵdaıynda álemdik eńbek naryǵyndaǵy qarqyndy ózgerister konteksinde Qazaqstandaǵy jumyspen qamtý jáne áleýmettik  salanyń múmkindikterin  talqylaýǵa arnalyp otyrǵan alǵashqy tematıkalyq alań bolyp otyr.

Forým barysynda halyqaralyq jáne qazaqstandyq sarapshylardyń birlesip qabyldaǵan sheshimderi boıynsha pikir almasý bolady. Onyń ishinde qazaqstandyq iri jumys berýshilerdiń, sheteldik ınvestorlardyń, QR Úkimeti músheleriniń, halyqaralyq uıymdar men konsaltıńtik kompanıalardyń ókilderiniń oı-pikiri tyńdalyp, talqylanady.

Forým jumysyna Qazaqstan Respýblıkasy Úkimetiniń músheleri, ortalyq jáne jergilikti atqarý organdarynyń ókilderi, Ekonomıkalyq yntymaqtastyq jáne damý uıymynyń (EYDU), Dúnıejúzilik bank, Azıalyq damý banki, Eýrazıalyq  qaıta qurý jáne damý banki, «Atameken» UKP, iri transulttyq jáne qazaqstandyq kompanıalardyń, iri konsaltıńtik kompanıalardyń  ókilderi qatysady.

Aıtýly forýmǵa qatysýshylar sany 300-ge jýyq bolady dep kútilýde.

Ótetin orny: Astana qalasy, «Hılton» qonaq úıi (Saýran kóshesi, 46)

Sharany ótkizýge «Sheteldik ınvestorlardyń Qazaqstandyq Keńesi»  qaýymdastyǵyna múshe-kompanıalar: Shell, Eýropalyq qaıta qurý jáne damý banki, Chevron, Qazsınk, Polımetal, Polpharma, ERG, KNAUF, Cameco, Azıalyq damý banki, AnadolýGrýp, Sıtıbank, EY, PwC, TMK, ENI qoldaý kórsetýde.