"Qasiretke ushyraǵan adamnyń ornyna ózińdi qoıǵan kezde ǵana shynaıy janashyrlyq bastalady", -  deıdi Lev Tolstoı. Túrik fotografy Ýgýr Gallenniń shyǵarmashylyǵy osy sózdi aıqyndap, asha túsedi. Ol óz shyǵarmashylyǵy arqyly eki álemniń eki túrli kórinisin bir sýretke toǵystyryp, ǵalamda bolyp jatqan problemany kótere bildi dep jazady Qamshy.kz aqparat agenttigi. 

Ýgýr Gallen óziniń shyǵarmashylyq sýretterin ınstagram paraqshasyna jarıalady.

«Beıkúná adamdardyń ólimine sebepker bolǵan qatygez soǵysty baqylap turyp, adamzat «Úıde de álemde de beıbitshilik ornasyn» degen Mustafa Atatúriktiń aıtqanyndaı ómir súrse eken dep oılaısyń», - deıdi fotograf.

«Meniń týǵan jerim álemdegi eń qaýipti mekenge jaqyn ornalasqan. Men biz úırenip qalǵan qarapaıym ómir men soǵys bolyp jatqan aımaq turǵyndarynyń ómiri arasyndaǵy jer men kókteı aıyrmashylyqty baıqaıtynmyn. Keıin eki bólek álemniń araqashyqtyǵyn jaqyndatyp, adamzatqa oı salýdy oılap, bir sýretke syıǵyzdym», - deıdi fotograf.

Eskertý: Sýretterde zorlyq-zombylyq pen qatygez kórinister bar. 

Oń jaqtaǵy sýret álemge tanymal sýretterdiń biri. Bul - Sýdanda bolǵan oqıǵa. Ashtyqtan ólgeli jatqan qyzdy jyrtqysh qus baqylap tur. Osy sátke kýá bolǵan fotograf birden fotoaparatyn qolyna alyp, sýretke túsirip alady. Al álgi shynashaqtaı qyzdyń tiri, ne óli ekenin eshkim bilmeıdi. Tipti sýretke túsirgen Karterdiń de habary joq. Fotograf bul sýret úshin arnaıy marapat ta alǵan. Keıin álemdik BAQ Karterdi synǵa alǵannan keıin fotograf óz-ózine qol jumsady.