28 qarasha 2018 jyly Memlekettik qyzmet isteri Departamentinde Agenttiktiń Qoǵamdyq qabyldaýynyń ashylýy bolyp ótti. Ony ashýdyń maqsaty – halyqtyń qoǵam ókilderimen, Ádep jónindegi Keńes jáne arnaıy monıtorıńtik top múshelerimen kezdesýi úshin biryńǵaı alańdy qurý qajettiliginde. Atalǵan alań óz jeke keńseleri joq qoǵam ókilderin birlestirýge baǵyttalǵan Co working center sekildes. Bul toptyń jumysy memlekettik qyzmet kórsetý salasyndaǵy sybaılas jemqorlyqqa qarsy is-qımyl, memlekettik qyzmetshilermen ádep normalary men memlekettik qyzmet týrala zańnamanyń saqtalýy máseleleri boıynsha qoǵamǵa kómek kórsetýge negizdelgen.
Zamanaýı qoǵamda júrgizilip jatqan reformalardyń negizin halyqqa durys jáne ýaqytyly jetkize alatyn, azamattardyń memlekettik organdardyń áreketine nemese memlekettik qyzmetshilerdiń ádep-qulqyna shaǵymdary bolsa, olardy sheshýge kómektesetin qoǵam ókilderiniń róli úlken. Elimizdiń árbir turǵyny ózderin mazalaǵan suraqtarymen ádep jónindegi Keńes múshesine júginýge quqyly.
Agenttiktiń Qoǵamdyq qabyldaýynyń ashylýy Astanadaǵy Azamattyq Forýmnyń ótýimen tuspa-tus kelip otyr. Azamattyq Forýmnyń maqstaty da azamattyq sektor, memlekettik organdar men bıznes-qurylymnyń arasyndaǵy ashyq dıalogty qamtamasyz etýde.
Qoǵamdyq qabyldaý saǵat 9:00-den 18:30-ǵa deıin jumys jasaıdy. Ol ınternet-baılanyspen, kompútermen jáne kóshirme tehnıkalarymen, baılanys quraldarymen jabdyqtalǵan. Ul alań Ádep jónindegi keńes múshelerine, qoǵam ókilderine, sol sıaqty halyqqa ózderiniń zańdy quqyqtaryn qorǵaýda sapaly kómek jáne qoldaý kórsetýde úlken múmkinshilik beredi dep senemiz.
