Sán kórsetilimi kezinde model Dınagúl Tasova kópshiliktiń synyna ushyrady dep jazady Qamshy.kz aqparat agenttigi. Onyń ashyq-shashyq kıimi jelide qyzý talqyǵa tústi. Osyǵan baılanysty Astana qalasy Qoǵamdyq damý isteri basqarmasynyń basshysy Danıar Esın óziniń Facebook-paraqshasynda pikir bildirdi.
«Bul aqparat kóbińizdiń kóńilderińizdi túsirýi múmkin. Biraq qazir jelide talqyǵa túsken model depýtat emes. Ony áleýmettik jelide barlyǵy máslıhat depýtaty dep tanystyryp jatyr. Bul halyqtyń narazylyǵyn týdyrdy. «Astana qalalyq jastar máslıhaty» qoǵamdyq qory ádilet organdarynda táýelsiz komersıalyq emes uıym bolyp tabylady. Astana qalasynyń máslıhatyna jáne jergilikti memlekettik organdarǵa eshqandaı qatysy joq. Sonymen birge Dınagúl Tasovany halyq tańdaýy dep tanyp jatqandar kóp. Bul qate pikir», – dep jazdy Danıar Esın.
