Grýzıanyń jańa prezıdenti óz qyzmetine kiristi. Alǵash ret osy laýazymǵa áıel keldi: ol burynǵy Grýzıanyń Syrtqy ister mınıstrligin basqarǵan táýelsiz kandıdat - Salome Zýrabıshvılı. Kezinde ol Mıhaıl Saakashvılıdiń qarsylasy boldy.
Grýzıanyń Ortalyq saılaý komısıasy daýys berýdiń qorytyndysyn jarıalady: Salome Zýrabıshvılı prezıdenttik saılaýdyń ekinshi týryn jeńip, 59,52% daýys jınady. Jańa prezıdenttiń saltanatty rásimi 16 jeltoqsan kúni ótedi. Biryńǵaı ulttyq qozǵalystyń kandıdaty Zýrabıshvıllıdiń negizgi qarsylasy - Grıgol Vashadze 40,48 paıyzdy jınady. Salome Zýrabıshvılı «Grýzıa armany» bılik partıasynyń qoldaýymen saılaýǵa tústi. Birinshi kezeńde ol 38,66% daýysqa ıe boldy jáne negizgi básekeles Vashadze jeńiske jetý úshin bıleýshi partıa teńdesi joq qadamdar jasady. Grýzın úkimeti grýzın azamattaryn shaǵyn bank qaryzdaryn keshirýge jáne áleýmettik jáne ekonomıkalyq reformalardy júrgizýge ýáde berdi.
Zýrabashvılı "Grýzıanyń múddesin satty" dep Saakashvılıdi aıyptady: ol 2008 jyly Grýzıany soǵysqa dýshar etti, Eýrokomıssıanyń sheshimin qoldamaı, Grýzıa tarapynyń Ońtústik Osetıa men Abhazıaǵa soǵys bastaǵanyn úlken qate dep aıtty. Zýrabıshvılıdiń aıtýynsha, Saakashvılı men onyń seriktesteri Reseıdiń arandatýshylyq qımylynyń qaqpanyna tústi jáne bul grýzın halqyna qarsy úlken qylmys boldy.
Zýrabıshvılı 1952 jyly Grýzıanyń saıası ımıgranttarynyń otbasynda dúnıege keldi. Parıjde saıası ǵylymdar ınstıtýtyn bitirip, AQSH-ta oqydy. Ol dıplomatıalyq qyzmette keremet karera jasady - kóp jyldar boıy AQSH, Italıa, Chadda grýzın elshiligin basqardy, 2003 jyldan bastap Fransıada Grýzıanyń elshisi jumys istedi. 2004 jyly Saakashvılıdiń shaqyrýymen Grýzıanyń Syrtqy ister mınıstrligin basqardy. Sol kezde Fransıanyń prezıdenti bolǵan Jak Shırak "Grýzıada tek Salome Zýrabıshvılı eń joǵary kvalıfıkasıa dıplomaty" dep aıtty.
Bir jyldan keıin Zýrabashvılı Saakashvılıdiń saıasatyn qatty synady, sol úshin Saakashvılı ony qyzmetinen bosatty. Sodan beri Salome opozısıada boldy. 2016 jyly ol Grýzıa parlamentine saılandy, al 2018 jyldyń tamyz aıynda fransýz azamattyǵyn qabyldamaı táýelsiz kandıdat retinde Grýzıa prezıdenttigine kandıdat bolýǵa sheshim qabyldady.
Shyn máninde, Zýrabıshvılı sońǵy saıası qyzmettegi ýaqytyn Grýzıanyń Eýropa quramyna ótýine arnady jáne ol Grýzıa prezıdenti retinde Reseıdiń múddesine saı saıasatker emes ekenin túsiný kerek. Jańa prezıdenttiń aıtýynsha, Grýzıa Reseımen yntymaqtastyqqa kóshe almaıdy, óıtkeni oǵan Máskeýdiń óz saıasaty kináli.
Kerimsal Jubatqanov,
Qazaq-Orys Halyqaralyq Ýnıversıtetiniń dosenti, tarıh ǵylymnyń kandıdaty
