Áıgili «MýzArt» tobynyń beldi múshesi, ánshi Sáken Maıǵazıev Temirbek Júrgenov atyndaǵy óner kademıasynyń prorektory bolyp taǵaıyndaldy. Bul týraly ánshi Meırambek Besbaev Instagram jelisindegi paraqshasynda habarlady.

«T.Júrgenov atyndaǵy óner akademıasynyń prorektory Sáken Maıǵazıev. Durys boldy. Sákenniń qolynan keletin is. Abyroıyń arta bersin», – dep jazdy Meırambek ánshi.

«Búgin bizdiń akademıanyń oqytýshylyq-professorlyq quramyna jańa prorektorymdy tanystyrdym. T.Júrgenov atyndaǵy Qazaq Ulttyq óner akademıasynyń shyǵarmashylyq jumystar jáne xalyqaralyq baılanystar jónindegi prorektory bolyp Qazaqstannyń eńbek sińirgen qaıratkeri Sáken Maıǵazıev taǵaıyndaldy. Elimizdiń mádenı keńistiginde óz orny, óz joly bar tulǵa, kásibı óner sheberi retinde Sáken Qordabaıuly jańa qyzmette abyroı bıiginen kórinip, ǵylymı-shyǵarmashylyq salada san asýlardy baǵyndyratynyna senemin! Bizdiń memleketimizde qarapaıym azamattarǵa talant, kásibılik, sheberlik, eńbekqorlyq, tynbaı izdenistiń arqasynda bıik belesterdi baǵyndyrýǵa bolatynyna Sáken Maıǵazıevtiń ómir men óner joly — jarqyn úlgi. Úlken otbasynyń toǵyzynshy perzenti óner álemindegi barlyq asýlardy óziniń maqsatshyldyǵy men eńbekqorlyǵy arqyly baǵyndyrdy. Bilim alý jolynda — kolej, akademıada bakalavr, magıstratýra, doktorantýra sekildi baspaldaqtardan ótti. Sonaý toqsanynshy jyldardyń ortasynda «Móldir monshaqtar» dep án áýeletken ónerge ǵashyq, móldirlik pen tazalyqqa jany ińkár jas talant Sáken men Qazaqstannyń aıtýly qaıratker azamaty Sáken Maıǵazıevtiń arasynda jıyrma jyldan astam ýaqyt tógilgen mańdaı ter, tynymsyz jumys, izdenis, kásibı sheberliktiń izi jatyr. Ákeniń amanatyna adal ul, Ananyń aıaýly perzenti retinde Sáken Qordabaıuly — tek bir áýlettiń ǵana emes, el maqtanyshyna aınalǵan azamat! Ózi de ónegeli otbasynyń ıesi. Sáken — árqashan da mártebeń ústem bolsyn!», – dedi Óner akademıasynyń jańa rektory Asqat Maemırov feısbýk paraqshasynda.