Astana Arlans boks klýby resmı túrde óz jumysyn toqtatty, - dep habarlaıdy Qamshy.kz aqparat agenttigi. Bul týraly búgin esep berý konferensıasynda Qazaqstan boks federasıasy uıymynyń vıse-prezıdenti Danıar Ábilǵazın habarlady.

«Astana Arlans boks klýby taratylady. Bul jobadan shyǵý týraly sheshim qabyldadyq. Kelesi maýsymnan bastap bul jarysqa qatyspaımyz», - dedi ol jıyn kezinde. 

Astana Arlans WSB jobasyndaǵy eń nátıjeli komandalardyń biri bolǵan. «Astana Arlans» boks klýby – Dúnıejúzilik boks serıasynyń úsh dúrkin chempıony. Klýb 2012/13, 2014/15 jáne 2017 jyldardaǵy maýsymda jeńimpaz atanǵan bolatyn. Elimizdegi eń myqty boksshylar da osy joba aıasyndaǵy jekpe-jekterde baq tájirıbe jınap, sheberligin shyńdaǵan. Aıta keteıik, Búkilálemdik boks serıasy (WSB) sońǵy jyldary toqyrap keledi. Kóp komandalar birer maýsym ǵana qatysyp, keıinnen jarysqa qatysýdan bas tarta bastady.