Búgin Astanada kezekti qazaq ınternetinde kontent jasaýshylardyń İİİ forýmy bastalyp ketti. QR Aqparat jáne komýnıkasıalar mınıstri Dáýren Abaev sóz sóılep, sharanyń shymyldyǵyn ashty.
AQSH-tyń Qazaqstandaǵy ýaqytsha senimdi ókili Teodor Lıng faktchekıng máselesin qozǵaı otyryp, búgingi kúnge barsha jýrnalıske sáttilik tiledi.
Qazaqstan korporasıasynyń basqarma tóraǵasy Erlan Qarın ulttyq arna mobıldi qosymshasynyń júkteýshilerdiń sany 500000-ǵa jetkenin jetkizdi.
Mine, resmı bólimniń qysqasha kartınasy osyndaı. Eki mınýt ótpeı jatyp, İ sesıa óz jumysyn bastap ketti.
"Qazaq ınterneti de namystan jaralǵan", - dep sózin bastaǵan saıasattanýshy Aıdos Sarymnyń Elbasy Nursultan Ábishuly Nazarbaev týraly sóz qozǵaýy uıqyly-oıaý otyrǵan áriptesterimizdiń ústinen sýyq sý quıǵandaı boldy.
"Syn aıtqan saıt jabylyp qalatyny shyndyq qoı, sosyn kep asyra maqtaımyz bılikti", - dep qaldy Sarym. Osy tusta Qazkontenttiń sý jańa basshysy Dýman Qojahmetov oǵan qarsy shyqty. Sóz dýelinde aǵasy inisinen basym tústi.
"QazAqparat" HAA bas dırektory Asqar Ýmarov kerisinshe, Elbasynyń " Uly dalanyń jeti qyry" maqalasynyń jaqsy oqylǵanyna erekshe nazar aýdartty. Al Aıdos Sarym bolsa, "aýdıtorıaǵa ne qajet ekenin ózimiz bilmeımiz" dep másele-suraqty tótesinen qoıdy.
Qazaq saıttaryn ashqan azamattar qazaq ınternetiniń namystan jaralǵanynyń aqıqat ekenin basa aıtty.. "Baribar.kz" saıtynyń negizin qalaýshy Erbol Serikbaı bul pikirge qosyla ketti. 2013 jyly "Baribar" - namystan dúnıege kelgen saıt ekendigin aıtqan Serikboldyń Erboly dál qazirgi tańda saıttyń ekinshi tynysy ashylyp, jarnama arqyly qarajat taba alatyn saıtqa aınalǵanyn atap ótti. Forým jumysy qyza tústi.
Jazıra Baıdaly
