Aqtóbe oblysynda 24 kún buryn joǵalyp ketken Kenjebaı Aldashevtiń óli denesi Aqshat aýyly mańynan tabyldy.

«Eriktiler erkektiń denesin bir saǵat buryn tapty. Ózi aıtqandaı Aqshat aýyly mańynan tabyldy. 24 kún boıy izdedik. Tipti bir kúndi qur bosqa ótkizbedik, eriktilerimiz izdeý jumystaryna belsene aralasty. Komandamyzda 30 adam bar. Al sharaǵa 15 adamǵa deıin qatysty», - dedi 5 jeltoqsan keshkisin zello.poisk eriktisi Ekaterına Golotına jýrnalıserge bergen suhbatynda.

«Biz ol aýdanǵa birneshe márte bardyq. Tek tótenshe jaǵdaı jazbasyn bir apta buryn ǵana estidik. Jazba qazaq tilinde bolǵandyqtan, ony tolyq aýdardyq. Osy aýdannyń biri ekenin túsinip, izdeýge kiristik», - dedi erikti.

Eske sala keteıik, Kenjebaı Aldashev 9 qarasha kúni iz-tússiz joǵalyp ketti. Ol 112 nómirine habarlasyp, shuńqyrǵa qulap, butaqtan ustap qalǵanyn aıtty. Al aıaqtary shuńqyrdaǵy sýǵa kirip turǵan. Qutqurýshylar izdeýge shyqqanymen bir kúnde taba almady. Erkektiń ózi sol kúıi habarsyz boldy.