Keshe QR Densaýlyq saqtaý jáne áleýmettik damý mınıstrliginiń Eńbek, áleýmettik qorǵaý jáne kóshi-qon komıtetiniń tóraǵasy Aqmadı Ádiluly Sarbasovtyń qabyldaýynda boldym. «Qazaqstan Respýblıkasynyń keıbir zańnamalyq aktilerine halyqtyń kóshi-qony jáne jumyspen qamtylýy máseleleri boıynsha ózgerister men tolyqtyrýlar engizý týraly» Májiliste qaralyp jatqan Zań jobasy týraly usynystarymdy aıttym. Atap aıtar bolsam, aty shýly EKİ ANYQTAMADAN qutylý úshin talqyǵa túsip jatqan «Halyqtyń kóshi-qony týraly» (Qazaqstan Respýblıkasynyń 2011 jylǵy 22 shildedegi № 477-IV Zańy) Zańynyń 49-babynyń 2)- jáne 9)-tarmaqtaryna ozgertýler men tolyqtyrýlar engizý keretigin ótindim. Atalmysh Zańnyń 2)- tarmaǵy boıynsha kóship kelýshi «sottalǵanǵa deıin turaqty turǵylyqty jeri Qazaqstan Respýblıkasynan tys bolǵan, bas bostandyǵynan aıyrý oryndarynan bosatylǵan;» bolsa, ony QR-da Turaqty tirkeýge turǵyzýǵa bolmaıdy. Demek, osy tarmaqty basy bútin alyp tastaý kerek! Adamdar tipti abaısyzda da qylmys ótkizip, sottalyp, jazasyn ótep shyǵýy múmkin ǵoı. Ony nege Turaqty tirkeýge turǵyzbasqa, oǵan nege azamattyq bermeske?!
Ekinshi ótinish, 9)-tarmaq týraly. Kóship kelýshilerdi QR-da Turaqty tirkeýge turǵyzbaýǵa negiz bolatyn taǵy bir sebep, osy tarmaqtaǵy «aýyr nemese asa aýyr qylmys jasaǵany úshin sottalǵandyǵy bolǵan;» degen shart. Kóship kelýshiler osy «Sottylyǵynyń» bar-joǵyn dáleldeý úshin ózi kelgen elinen anyqtama ákelýi kerek! Qytaı bul anyqtamany bermeıdi. Óıtkeni, ol elde qylmysqa qatysty t.b. jeti túrli adamǵa TÓLQUJAT bermeıdi. Arnaıy Zań bar.
Sondyqtan, muny anyqtaýdy osy talqylanyp jatqan Zańnyń 9-babynda kórsetilgen "İshki ister organdarynyń quzyretine" berý kerek. Qajet bolǵan jaǵdaıda, ózderi suraý salyp anyqtasyn. Kelýshilerden talap etpesin.
Eńbek, áleýmettik qorǵaý jáne kóshi-qon komıtetiniń tóraǵasy Aqmadı Ádiluly bul usynystardy birden túsindi jáne qarsy emes ekenin aıtty. Mamyr aıynda qatysty organdardyń jaýaptylary men mamandaryn shaqyryp, jınalys ótkizetin, ortaq aqyldasatyn boldy.
21.04.2015 Astana
Aýyt Muqbek, Facebook paraqshasynan
