QR Prezıdentiniń baıandamasynda aıtylǵandaı otandyq avtokólikterdi qoldaý maqsatynda Ulttyq qordyń esebinen 20 mlrd. teńge bólingen bolatyn. Onyń 15 mlrd. teńgesi Qazaqstanda jınaqtalǵan kólik markalarynyń nesıesine tıesili ekeni belgili bolǵan.

Bul týraly “Qazaqstan damý bankiniń” basqarma tóraǵasy Bolat Jámishev málimdegen.

Tipti, 20 sáýirden bastap elimizdiń qalalarynda halyqqa jeńildetilgen paıyzben avto nesıeler berile bastaǵan. Ol úshin Qazaqstannyń Halyq banki (4 mlrd teńge), Eýrazıalyq bank (3 mlrd teńge), Sberbank Qazaqstan (2 mlrd teńge), Bank SentrKredıt (2 mlrd teńge), ATF Bank (2 mlrd teńge) jáne ForteBank (2 mlrd teńge) bólimshelerine ótinish qaldyrý kerek edi.

Jeńildetilgen avto nesıe baǵdarlamasy qolǵa alynǵan ekinshi kúni-aq, bankterde aqsha taýsylyp qalýyna baılanysty nesıege ótinish qabyldaý toqtatylǵan. Bul týraly «Kolesa» portaly habarlaǵan.

"Bıpek avtonyń" dıllerlik ortalyqtarynyń málimetinshe nesıe taratýshy bankterdiń basym kópshiligi ótinish qabyldaýdy toqtatqan. Ortalyq menedjerleriniń aıtýynsha, bir ǵana Almaty qalasynyń ózinde bir kúnniń ishinde 1500-den astam adamnan jeńildetilgen paıyzdyq avto nesıege ótinish qabyldanǵan. Al jalpy qorytyndyda almatylyqtarǵa 4800-6000 otandyq avtokólik nesıege berilýi tıis bolatyn. «Allúr Avto» jáne Hyundai salondarynda da jaǵdaı osyndaı.

Al Úkimet arnaıy otandyq avtokólikterdi qoldaý maqsatynda halyqqa tómen paıyzdyq nesıemen usynǵan avtokólikterge qoly jetpeı nemese kezegi kelmeı qalǵandar úshin tek kútý ǵana qalǵan. Ol úshin, Bank jáne nesıe talaptaryna saı kelmeıtin azamattardyń oryndaryn toltyrý úshin, bankter ekinshi tolqynmen ótinish qabyldaıtyndaryn aıtqan. Nemese jeńildetilgen paıyzdyq mólshermen avto nesıelendirýdiń ekinshi tolqynyn kútýge týra kelip tur.

Nurkeldi Ábdiǵanıuly